ردت اكتب قصيده في اسد بغداد
شفت اني الشعر بعتابك اتعثر
ياباب الحوائج والحوائج فيض
... لكن باب جودك اعظم واكبر
هذا يا سجن يحويك يا مولاي
يا اعظم درس لراد يتحرر
اجيت اني ضريحك والدمع نهران
كل كسر بحياتي ابابك اتجبر
متعجب تعزي وتبجي هاي الناس
لان انت بكياني شما صحت تحضر
يا باب الاجابه ورحمة الجبار
يل عندك اجابة لدعوة المظطر
في يوم الشهاده نعتني مولاي
نزور احنه الجسر الصارلك منبر
يتلعثم لساني سيدي معذور
بيا صوره اجيك وانت هم اكبر
ما يحتاج ذكرى والله ما ناسيك
ولا حتى رجب من يجي اتذكر
بس عندي طلب يا سيدي ارجاك
ماتنسى اليزوك ساعة المحشر
انا مذنب تراني وانت تعرف زين
بس عندي امل ابجودكم اعبر
وبرحمة الهي الاعظم الاكبر............. غسق التميمي
تعليق