إعـــــــلان

تقليص
لا يوجد إعلان حتى الآن.

قصيدة باب الحوائج .. الشاعر احمد ماضي القلعاوي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصيدة باب الحوائج .. الشاعر احمد ماضي القلعاوي




    الك وحدات تحجي الناس مو وحده
    انته الكلشي عنده وكلشي ما عنده



    يا باب الحوايج بس اصيح اليا
    مجتف بالحديد وتحضر الشده



    اذا باب السما ينسد ابوجه الطير
    امشرع يظل بابك محد ايسده



    قد شبه لهم مسجون يا مولاي
    رغم اللا رشيد وسطوته وجنده



    هاي امعلمه من امس ما هي اليوم
    القميص من الظهر بالطاهر اتقده



    انته اول سجين اليفك سجن الغير
    يا بحر الكرامة شنوصف ابمده



    اترده اليوصلك بس موش ردت غيض
    حد ترست اعيونه امحمل اترده



    ولا واحد اللامس ظهر جفك يوم
    مو للبوس جفك للعطى اتمده



    جم جلاب شيله انحل على الشباج
    بسر جان جفك يطلع ايشده



    وايمرن اجروحك والقصيدة اتثور
    يا جرح التتركه وياهو التعده



    لليوم وبعد لأبن الطليقة اوثان
    مو بس ضدك انته العاشكَـ اتضده



    ولو اعرف حليب الي رضعته امنين
    اذا حتى اليضد ما تكَدر اطرده



    عله ابساط الجلالة انشوفلك بصمات
    يرد ليك الوجود امنين ما رده



    يا عصاة موسى ونخلة العذراء
    انته الفاتحة والكهف والسجدة



    مو وسط السجن بل انته وسط الغار
    الوحي ينزل عليك وبيدك اتصعده



    اقرء بسم ربك يا كظيم الغيض
    سيفك بالركَب لو رايد اتحده



    باجر مو بعيدة .. وللحقيقة اشهود
    وكلمن بالقيامة طينته ابخده
    ************
    اسألكم الدعاء .. اخوكم الشاعر احمد ماضي القعاوي


  • #2
    السلام عليك سيدي ومولاي صاحب السجدة الطويلة وكاظم الغيظ والمعذب في سجون الظالمين وباب الحوائج الامام موسى بن جعفرعليه افضل الصلاة والسلام وعلى ابائه وابنائه . اللهم لاتحرمنا في الدنيا زيارته وفي الاخرة شفاعته

    تعليق


    • #3
      الشاعر الحسيني المبدع احمد ماضي القلعاوي .. ارحب بك في منتدى الكفيل ابي الفضل العباس باسمي وباسم جميع اعضاء الساحة الادبية شعراء وكتاب وقراء وسعادتي ان ينتمي لنا شعراء بهذه الكفاءة والولاء تقبل محبتي ودعائي

      تعليق


      • #4

        جزيل الشكر والتقدير والإمتنان للمشرفين الكرم

        على تثبيت القصيدة


        محبتي للجميع


        ودعائي لهم بالخير والتوفيق والنجاح

        اخوكم الشاعر احمد ماضي

        تعليق


        • #5
          المشاركة الأصلية بواسطة جوادشاكرمرجان مشاهدة المشاركة
          السلام عليك سيدي ومولاي صاحب السجدة الطويلة وكاظم الغيظ والمعذب في سجون الظالمين وباب الحوائج الامام موسى بن جعفرعليه افضل الصلاة والسلام وعلى ابائه وابنائه . اللهم لاتحرمنا في الدنيا زيارته وفي الاخرة شفاعته


          الاخ جواد شاكر


          تحية من القلب لك


          وشكرا لمرورك هنا


          تقبل ودي ودعائي لك بالخير والتوفيق


          احوك الشاعر احمد ماضي

          تعليق


          • #6
            المشاركة الأصلية بواسطة علي حسين الخباز مشاهدة المشاركة
            الشاعر الحسيني المبدع احمد ماضي القلعاوي .. ارحب بك في منتدى الكفيل ابي الفضل العباس باسمي وباسم جميع اعضاء الساحة الادبية شعراء وكتاب وقراء وسعادتي ان ينتمي لنا شعراء بهذه الكفاءة والولاء تقبل محبتي ودعائي

            الاخ العزيز .. علي الخباز


            شكرا من القلب لك على هذا الترحاب الرائع


            واتمنى ان اكن ضيفا خفيف الظل بينكم

            وسبب في شدة اصرة الاخوة بين الجميع

            وبث روح المحبة للكل


            تحياتي لك ولكل من في المنتدى

            تقبل محبتي


            اخوك الشاعر احمد ماضي

            تعليق


            • #7
              احسنت اخي الغالي احمد ماضي
              وفقك الله

              تعليق


              • #8
                اللهم صل على محمد وآل محمد كلمات تندى لها العيون وتقشعر لها القلوب حقيقه كلمات غاية في الروعه

                تعليق


                • #9
                  أحسنت يا شاعرنا المبدع أحمد القلعاوي المحترم دمت ودامت أناملك ولك مني كل التقدير والاحترام

                  تعليق


                  • #10
                    وفقك الله ورزقك شفاعة راهب بني هاشم ع باالاخرة
                    sigpic
                    إحناغيرحسين *ماعدنا وسيلة*
                    ولاطبعك بوجهي"بابك إ تسده"
                    ياكاظم الغيظ"ويامحمدالجواد "
                    لجن أبقه عبدكم وإنتم أسيادي

                    تعليق

                    يعمل...
                    X