تويت
قصيدة / نْموت وْ ما ننساك
...........................................
يحسين المظلوم
كل الكون وْ افلاكه حزنان وْ ينعاك
ارواح الاسمك نفدي نْموت وْ ماننساك
يحسين المظلوم
...................
بالدم وقعنه وْ نهتف يومك ما ننساه – مو بس عاشور مْصابك كل يوم وْ ننعاه
عهد وْ ماتنسه احبابك صوت وْ رددناه – مْصابك يالغالي نْعيشه كل يوم بْذكراك
...................
باسمك كل ثاير يصرخ ياصوت الاحرار – وْباسمك يحسين يْنادي ياروح المختار
نورك عالدنيه مْنور ياسر الاسرار – معروف وْ نهجك واضح والعالَم وياك
...................
فكرك بالعالم قايم تعمل بي اجيال – وبنهجك سارت ضحت ماتقبل اذلال
هيهات الذله تْنادي ابْصوت ايْهز اجْبال – وليومك كلها تْنادي هاي ارواح افداك
...................
لمْصابك يوم العاشر تحتار الاوصاف – لاراوي وْ شاعر يگدر يوصف هالاشراف
ترگض والگبرك تگصد من كل الاطياف – اشراف الدنيه تنعه وياها الافلاك
...................
عاشوراء اصبح مأتم تنعاه الازمان – اكبر مأتم بالعالم تشهدله الاوطان
لا طاغي وْ حاكم جائر وگف هالطوفان – رايات احرارك تطلب للثار مْنِ عْداك
...................
ابنك للثار يْنادي مهدينه المقدام – من گبرك ياخذ طفلك ويْهيج الالام
والثارك لابد يثأر ياثار الاسلام – يالمهدي عجل واظهر رايتنه بْيمناك
.............................
.............................
خادم اهل البيت ( ع )
الشاعر
سعيد الفتلاوي الطويرجاوي
...........................................
يحسين المظلوم
كل الكون وْ افلاكه حزنان وْ ينعاك
ارواح الاسمك نفدي نْموت وْ ماننساك
يحسين المظلوم
...................
بالدم وقعنه وْ نهتف يومك ما ننساه – مو بس عاشور مْصابك كل يوم وْ ننعاه
عهد وْ ماتنسه احبابك صوت وْ رددناه – مْصابك يالغالي نْعيشه كل يوم بْذكراك
...................
باسمك كل ثاير يصرخ ياصوت الاحرار – وْباسمك يحسين يْنادي ياروح المختار
نورك عالدنيه مْنور ياسر الاسرار – معروف وْ نهجك واضح والعالَم وياك
...................
فكرك بالعالم قايم تعمل بي اجيال – وبنهجك سارت ضحت ماتقبل اذلال
هيهات الذله تْنادي ابْصوت ايْهز اجْبال – وليومك كلها تْنادي هاي ارواح افداك
...................
لمْصابك يوم العاشر تحتار الاوصاف – لاراوي وْ شاعر يگدر يوصف هالاشراف
ترگض والگبرك تگصد من كل الاطياف – اشراف الدنيه تنعه وياها الافلاك
...................
عاشوراء اصبح مأتم تنعاه الازمان – اكبر مأتم بالعالم تشهدله الاوطان
لا طاغي وْ حاكم جائر وگف هالطوفان – رايات احرارك تطلب للثار مْنِ عْداك
...................
ابنك للثار يْنادي مهدينه المقدام – من گبرك ياخذ طفلك ويْهيج الالام
والثارك لابد يثأر ياثار الاسلام – يالمهدي عجل واظهر رايتنه بْيمناك
.............................
.............................
خادم اهل البيت ( ع )
الشاعر
سعيد الفتلاوي الطويرجاوي
تعليق