تويت
يزينب راية العباس منشورة..... وضريحج كل مسية شيعتة تزورة
راية علي الضراغام ..... مرفوعة برض الشام
..........................
حضر يازينب الوفاي ......وندب يختي نشرت الواي
انة الكافل وزينب هاي .... بجفوف افديهه وبعيناي
يزينب والكبر من يوصل احدودة.....وعلى جبين الغيارة الراية معكودة
وهل راية ماتنظام ...... مرفوعة برض الشام
..........................
الكفيل الكبرج اتعنة .....وندب بعيوني احرسنة
فنة اليوصلج فنة .....وذر على الكاع اطشنة
يزينب واليمرج هذا حد يومة....الجثث عالكاع اذرها وتشهد الحومة
يختي وتظل الهام.......مرفوعة برض الشام
..........................
نذر عباس جفينة.....ونادة اليوصلج وينة
قسم يالحرة بحسينة....سبيهم ماتمرينة
يزينب كافلج متعني للحضرة....اعتنة بدر الهواشم بشري يالحرة
وماتبقى كل احكام ......مرفوعة برض الشام
.........................
لواه ايرف على حدودة.....وشبول الغانمة جنودة
خذت من شيمتة وزودة.....ونهلت من عذب جودة
يزينب هبت الابطال ملهوفة.....تقسم بالكفيل وكطعت جفوفة
تظل رايتج كل عام ......مرفوعة برض الشام
......................
وحكج مايمر غاشم .....ياصفوة بني هاشم
اليفكر ننثني واهم.....واهم مغتر وحالم
يزينب هالعهد يتوقع بدمنة .....شما ننطي ونضحي لاماقدمنة
قبلة انتي للسلام .....مرفوعة برض الشام
.............................
نضحي وتعلة صيحتنة.....شرف لو بالصحن متنة
رضا المعبود غايتنة.....وبت حيدر وسيلتنة
يزينب نسحك علة الباغي والفاجر....ونذكرهم اصلهم والحسن باجر
وسمج تظل وسام .....مرفوعة برض الشام
..............................
الحمد لله
ابوحسن المياحي
تعليق