من اجمل ابيات يجناح الغرام بمناسبة مواليد شعبان المبارك

[حسين الابراهيمي]

يجناح الغرام اوياك وديني
لحسين الحبيب بصحنه خليني

**

يجناح الغرام اوياك اخذ عمري
تدري الفركته اتهدم وكت صبري
صار سنين من جافيته خو تدري
وسفه ما ازوره وتخلص سنيني

**

يجناح الغرام المحب ما ينلام
جفينه اعله الحبيب شلون ليله ينام
وانه دنيتي حرمتني والايام
من عطر الحسين وهذا ياذيني

**

يجناح الغرام الشوك ما ينقاس
وشيبات العشك عاين غزن الراس
ملهوف الكلب لزيارة العباس
شوك ايرف اله والله رمش العين

**


جفني امن العشك شوفه تره غافي
وتلهج بالحبيب اسمعهن اشفافي
دافي حب حبيبي المهجتي دافي
حب حسين لو امرض يشافيني

**

يا يوم الازوره وهاي البشاره
حسين ايمرحب ويتلكه زواره
وعباس اليحيي دوم خطاره
وافرح من اخو زينب يحييني

**

[من نسل عبيدك احسبني ياحسين]

مبارك الولادة الميمونة رزقك الله شفاعة أهل البيت ع باالآخرة أنت ووالداك

[حسين الابراهيمي]

مرور جميل
كلمات رائع
بارك الله عز وجل بكي
اختي الفاضلة من نسل عبيدك احسبني ياحسين
وفقكي الله تعاللى لكل خير وصلاح

[محمد الكاظمي]

ياغارقا في بحور السيئاتِ زر حسين السبط اذ شئت النجاةِ ,,,,

عاشت يديك عزيزي حسين الابراهيمي

[حسين الابراهيمي]

اجمل التهني
المحملة باروع عطر المسك
والعنبر واريج الورد
المحب اهل البيت ( عليهم السلام )
الاخ العزيز محمد الكاظمي
شكرا لمرور الرائع