تويت
علو الهلاهل
**********
شعبان بهلاله اشظهر ... انوار وشموس كمر
بالخير نازل... ... شعبان
علوالهلاهل ...... شعبان
... ... ... ...
هذا شهر الخير شهر المكرمه ...... الله بالايمان كامل تممه
انحملت الافراح بيه الفاطمه......وتمت الاعياد من بان بفخر
من الله كامل...... شعبان
علوالهلاهل ...... شعبان
... ... ... ...
هذا شهر النوربأنواره سطع......بسم اهل الزود عالعليا ارتفع
شع علينه وبان بعيونه نبع...... سلسبيل الخيرمن فضله ظهر
نبع الفضايل...... شعبان
علوالهلاهل ...... شعبان
... ... ... ...
اول الأحساس كلبك ينشرح......بعده تفتح باب احساسك فتح
تالي بيه اتشوف تترك كل جرح......وتفرح باخلاص وي سيدالبشر
لاماتجامل ...... شعبان
علوالهلاهل ...... شعبان
... ... ... ...
اتلاثه بيه العيد وي سيدالمله......اول الأفراح ويه العايله
ابايد طه حسين حيدرشايله......شمس فوك الكاع ويسرالنظر
صلو بتواصل...... شعبان
علوالهلاهل ...... شعبان
... ... ... ...
باربعه بشعبان يانور انولد...... وياكمر ياناس نايم بالمهد
كلب ابوالحسنين غاطيه السعد ...... ابمولد العباس خجلان الكمر
هذا ابوفاضل ...... شعبان
علوالهلاهل ...... شعبان
... ... ... ...
الخامس ابشعبان شع نور السما......مولد السجاد عز ومكرمه
والحسن فرحان بارك فاطمه ......بسمه والأيمان مسرور افتخر
خير المنازل...... شعبان
علوالهلاهل ...... شعبان
... ... ... ...
بهدعش شعبان نور الماخفى ...... علي الأكبر هذا شبه المصطفى
تحير بيه افكار ياهويوصفه...... كامل الأوصاف ويحيرالصور
مابيها فاصل ...... شعبان
علوالهلاهل ...... شعبان
... ... ... ...
بعد منه ايكون شبل ابن الحسن ......القاسم المهيوب باوصافه الحسن
نورا شع عالناس ضاوي بكل زمن ...... يوسف الصديق ثاني اعله الأثر
مامثله ماثل ...... شعبان
علوالهلاهل ...... شعبان
... ... ... ...
وبنصف شعبان شمس الله اظهرت......بقائم آل البيت كلهااستبشرت
الشيعه عالميلاد رايات انشرت......تهني طه وفاطمه بالمنتظر
تنادي الجحافل...... شعبان
علوالهلاهل ...... شعبان
... ... ... ...
هاالشهر الأخبار جم مصدر روى......بيه ليوث الطف ولادتهم سوى
مسلم وزينب شملها المحتوى ...... وسكنه ورقيه وتمعن بالخبر
جيل الزلازل ...... شعبان
علوالهلاهل ...... شعبان
... ... ... ...
ونسالكم الدعاء ام هدى
تعليق