تويت
جود العباس ينادينـــــــــــــة جود العباس
بجف كافل زينب وسكينة جود العباس
هذا العباس راعي النوماس
ما ردت واحد جفينــــــــــة
................................................
بجف الكمر معكَود جود السقايا لليعتني مبذول وجفوفة ثاية
مايبخل الرواي لن جودة آيه وبشربتة تنزاح كل البلايا
لوشح تهل دمعة عينة جود العباس
عهد موثق بينه وبينه جود العباس
وتعرفة الناس راعي النوماس
.................................................. .
عهد انكتب عالجود والزينب انطاه لوشح تهل العين والجودة تملاه
من يكصد العباس ورد خايب رجاه يرد مبتشر وينول كلمن تعناه
راعي الكلفات مسمينة جود العباس
لليكصد ينطي اصبي عينة جود العباس
بي رفعة راس راعي النوماس
.................................................. .
سر مجدة رب اسماه بي وحدة مرهون نور اصطفاه من نور سر نوره مكنون
بأعتابة من اتسير اجدام اليطوفون كل غاية يم عباس كل معضلة تهون
معكود بقدرة بارينة جود العباس
وعونك يالتندب والينة جود العباس
ترويك بكاس راعي النوماس
.................................................. ..
شاف الفرات يجود ولجودة عطشان من جوده فاض الماي وتسمة نهران
نبع الوفة والطيب بوجودة برهان بالحضرة فيض الماي لليرجة عنوان
اشما طفنة بسورة وحجينة جود العباس
نبع الطيب يفيض علينة جود العباس
نابع بأحساس راعي النوماس
.................................................. ..........
طود الكرم ما يوم وطه وحنه الهام بعمر السنين يعيش وتخلدة الايام
شامخ صرح عباس بي للابه وسام للغيرة مصدر صار شد للوفه حزام
توطن اسمة بعمر سنينة جود العباس
شما نظمة يرد يروينة جود العباس
لا ما ينقاس راعي النوماس
.................................................. ...........
توطن وسط كل عين صيرهة دمعات تلثم ضمه العطشان وتغيض الآهات
سر الظمة بيمناه يتروة ويبات يظمة الموالي شلون بوجوده هيهات
هيهات ولاحت بيمينة جود العباس
ما ينسانة ولا ناسينة جود العباس
للحك نبراس راعي النوماس
.................................................. ............
الشاعر ابو حسن المياحي
تعليق