تويت
شك صدر الزمن --
---------------------------------------------------------------
شك صدر الزمن حين انولد عباس
جن حيدر تصور ثاني بعلومه
حيدر بالولاده انشكله الركن والبيت
وعباس اليشبهه ومثله جيدومه
انشكله الكون كله ونادى ياعباس
طك عرج النجابه وشاعت اعلومه
ولان حسين كونه ودنيته وهالكون
عت عباس مهده وشكك هدومه
مايحمل تكمطه أمه البطل عباس
ولايقبل يهيد ويرفض النومه
يتشلبه متنها ويعتلي الكاروك
لوجتله العقيله ينتهض كومه
ولومرالحسين ابطاري العباس
يدنك هامه يمه ويعني مفهمومه
ولو يسمع عضيده يكله ياعباس
يطك شريان كلبه وتهتف ادمومه
كل كطره تنادي خويه عد عيناك
ويوكف مستعد ويأدي مرسومه
عباس البطوله منولد فراس
من غرة جبينه ولحظته ويومه
موطفل انولد عباس لاهيهات
فارس بن علي والدنيا ليه حومه
تعليق