تويت
الى قمر بني هاشم الليلة زينب هلهلت
( عليهم السلام )
الليلة زينب هلهلت من انولد عباسهه
وايمينة رافعهه علي دنكك عليه وباسهه
قبل اجفوفك حيدرة * سماك سبع الكنطرة
وام البنين اتنومست منك خذت نوماسهه
***********
نور فرع منك علي بس فرع غيرة ومرجلة
التاريخ قبل جف علي بس علي جفك قبلة
جي يدري حامي المشرعة والضعن انته التكفلة
والوفة ظل ينكط خجل والغيرة دنك راسهه
***********
اليلة زينب هلهلت من انولد عباسهه
وايمينة رافعهه علي دنكك عليه وباسهه
قبل اجفوفك حيدرة * سماك سبع الكنطرة
وام البنين اتنومست منك خذت نوماسهه
***********
زينب ويه حسين وحسن راحت تشوف اعضيدهه
عباس فز من المهد خلة ايدة فوكك امن ايدههه
واشر علة حسين وضحك والراية منه ايريدهه
والحسن يبجي من الفرح والدنية فرحت ناسهه
***********
اليلة زينب هلهلت من انولد عباسهه
وايمينة رافعهه علي دنكك عليه وباسهه
قبل اجفوفك حيدرة * سماك سبع الكنطرة
وام البنين اتنومست منك خذت نوماسهه
***********
من طاري اسمك يابطل جانت تخاف اسيوفهه
من ايد فرسان الحرب تشرد وايده اتعوفهه
بشعبان ماظن مولدك مولدك يوم اطفوفهه
زلزال طب المشرعة من اسمك تفلش ساسهه
***********
اليلة زينب هلهلت من انولد عباسهه
وايمينة رافعهه علي دنكك عليه وباسهه
قبل اجفوفك حيدرة * سماك سبع الكنطرة
وام البنين اتنومست منك خذت نوماسهه
***********
يلصرت مضرب للوفه والخوة صارتلك صفة
ويه حسين جانت وكفتك وكفت علي ويه المصطفة
ماطفت عينك بالسهم والسهم هو اللي طفة
وعاشت بجاله مدللة ومحد تجره وجاسهه
***********
اليلة زينب هلهلت من انولد عباسهه
وايمينة رافعهه علي دنكك عليه وباسهه
قبل اجفوفك حيدرة * سماك سبع الكنطرة
وام البنين اتنومست منك خذت نوماسهه
الشاعر ميثم كريم
تعليق