قبة زينب بصف قبة العباس

[عبدٌ لفاطمة]

تركتني في هيئة الولهان شوقاً
كالطير في درب المشاعل هل
اطوي بكفي كل ذكرئ عزيزاً
في باب حزني يا ترئ اقبل
فتشت في كل الخواطر والمنئ
حتئ التقينا في مصاف الحل
.
اثاري اعيوني انته الجنت اشوفك دوم
واسط عيني دليلك جان يتحول
.
يعباس انه شفتك مو غصن زيتون
شفتك مثل شجرة اتفيي المدلل
.
ورسمتك بالنظر وبس الهج ابطرواك
ما رايد اشوفن غيرك واقبل
.
انه ابعثلك مراسيل العشك كل يوم
واكتبلك قصائد والشعر ينذل
.
عفتلك كل خواطر شاعر ويه الشوگ
و دم نبض الگلب من خاطري اتزعل
.
ما يقبل حبر يكتب اسم عباس
كون ابدمي الاحمر اكتب اليكفل
.
وارسم صورتك بضلوع الاعيون
وما اطبگ جفن حتئ ابقئ اتأمل
.
الك صورة بدليلي بحايط الروح
اصد ليها واگول اشخالقك نزل
.
نور العصمة بيك مدري انته وياه
مدري حجاب ربك راد يتعدل
.
شفتك عالنهر بس ما شفت الاجروف
بحر سدك جبير وجيتك اتوسل
.
ادك بابك ابعيني بدمعة المسكين
علئ باب الصحن واجفوفي تترجل
.
گلت واجب عليه وهذا واقع حال
من شارع السدرة اگطع اجفوفي بهل
.
هل هل يا ترئ يسمعني لو ونيت
لو هذي خواطر والجرح يسهل
.
.
كفئ قد هلت الاشواق .. صوت الصدئ في راحتي اقبل
كطعتُ دمعي كي ارئ العشاق .. والجود عندي والوفئ يحمل
اقبل كي ترئ عباسكم اين .. الان قبري شيعتي ينقل
.
.
وين ارحلت يابو الفضل وياك
اريد اعرف طريقك وينك واسال
.
اشو جني اسمعت صوتك يرد بالروح
اضن معروف گصدك والقلب يندل
.
شهر شعبان هذا البي الك جم عين
رايد مولدك بالشام يتحول
.
گبر زينب صبح گبرك يماي العين
وجت زينب اميره بگبرك الاجمل
.
اذن واجب نطب يم گبة العباس
نزور الليلة زينب والحزن ينذل
.
ثلث تنعام منك يا عظيم الشان
كفاي الحجاية وغايتك اكمل
.
لذلك من نزورك واجب اعلئ العين
نغض عين الزيارة وراسنه محمل
.
گبة زينب ابصف گبة العباس
وعلئ صحن ابو فاضل اسم زينب هل

محاولة جديدة في خلط القوافي الادبية بين الادب الفصيح والادب الشعبي
في اطار مزج القوافي

خادمكم
محمد النجفي

[نور العترة]

طيب الله انفاس الشاعر
طيب الله صفيحة اعمالك الناقل

[من نسل عبيدك احسبني ياحسين]

وفقك ربي دنيا وأخره يامحترم

[أنصار المذبوح]

بارك الله فيك
جـــــــــــــــــــــــــــــ الله خير الجزاء ـــــــــــــــــــــــــــــزاك