الحك ينور اعيوني خاف العده يسبوني

[عاشقة زينب ع]

الحك ينور اعيوني خاف العده يسبوني

حطت اديهه اعله الراس
زينب تعاتب عباس
رجعتلي هاي الارجاس
وينك يحامي اضعوني

ثارات خويه ايطلبون
والنيه كبتي ايفجرون
عدو العده ويردون
من الارض يمحوني

مثل البقيع ايسووه
للكاع كبري ايساووه
ترضه يخويه اينبشوه
من لحدي ويطلعوني

ترضه دليلي مهموم
سهرانه ماشفت النوم
كل يوم اكولن هل يوم
هسه اخوتي ايحضروني

ردو عليه من جديد
جابو شمرهم ويزيد
فرحوا وجن عدهم عيد
يوم اللذي يهدموني

محتار كلبي وينوح
يكصدمن المن ويروح
ماطابت اجروح الروح
ولسه الاثر بمتوني

وينك يروحي متانيك
احضر رقيه اتناديك
ياعمي تتنخه بيك
ربع الشمر روعوني

اسألكم الدعاء

[من نسل عبيدك احسبني ياحسين]

وفقك ربي دنيا وأخره بحق العطشان ع

[نور العترة]

طيب الله انفاسك

[مـدد ياعلي]

احسنتي احسنتي واجدتي التعبير

[عاشقة زينب ع]

احسن الله اليكم وبارك الله فيك

شرف لي تواجدكم العطر

[ابوعلاء العكيلي]

احسنت بارك الله فيك

[أنصار المذبوح]

بارك الله فيك
جزيت ألف خــــــــــير

[شهدعاشقة الحسين]

اه يازينب
وينك يا عباس اه اه

[السهلاني]

طيب الله انفاسكم وجعلها في ميزان حسناتكم ...

[عاشقة زينب ع]

حياكم الله وربي يحفظكم اشكر مروركم وكلماتكم الطيبه

رزقكم الله خير الدنيا والاخره