قصيدة وفاة ابي طالب عليه السلام (بقلمي)

[خليل علي الزبيدي]

قال رسول الله (صلـى الله عليه و آله )


{انا و كافل اليتيم كهاتين في الجنة ، و أشاربإصبعيه السبابة و الوسطى }



السلام على مؤمن قريش وكافل الرسول أبوطالب



ياراعي الحميه وطـــــــــــاهر الاردان يازهرة البيت شعظم مكنونك
يصابر عل الاذى وللكـــــــفر مادنيت راس وبالفضل كلهم يعرفونك
ياكافل يتيم الهاشــــــــــــمين شلون بيا وجهت شرع ﮔلي يكفرونك ؟
وانته الدافعت عن النبي المهيوب وتراعيه بخطاه شما مشى عيــونك
تدفيه بفراش الرحمة وتداريه صدﮒ راعي المحـــــــنه يخيِّب ظنونك !
وتنيمه بوسط جفنك خايف وسهران وتـﮔــــــــله لاتهاب اللي يريدونك
جعفر وي علي للمصطفى تحرسون تناديهم يولدي وهم يطيـــــــــعونك
وشِعرك بالمحافل يسند الاســـــــــــــلام وعن حــب النبي لامايغيرونك

ﮔلت للمصطـــــــــفى انشر لواء الديـن واهلي ومهجتي لفديها من دونك
وليدك عله الحوض يشــــــرِّب الوفـَّاد ويريدون الكفر منها يحرمونك؟
بتت بالشعب وي المصطفه جوعان وعن وجه النبي ما فرغ ماعونك
لعد شنهو السبب ياكافل المخــــــــــــــتار اقلام النصب ﮔـــلي يعادونك؟
لأنك والد الحيد الصميـــــــــــــــده الليث علي المرتضى كلهم يطلبونك
يبو طالب يوالد جعفر الطــــــــــيار إبشر بالجـــــنان وضحـــكة سنونك

كهاتين بجنانه ﮔـالها المخـــــــتار وحاشاه الوفي ميســــــــــــــدد ديونك


*************



11 رمضان 1434هجرية

[من نسل عبيدك احسبني ياحسين]

مأجورشاعرنا الكريمــــــــــــــــــــــــــــــــــــــــــــ ــــــــــــــــــــــــــــــــــــــ موفق بحق شهرالرحمة

[لواء الطف]

احسنتم استاذي الفاضل المحترم

اسمح لي باضافة بسيطة هدية مني لمولاي ابي طالب عليه السلام بقلمي المتواضع


گظّيت العمر بالشيمة والاخلاق *** وهذا الدوم بيه تشهد اسنونك
كريم اتجود گبل ما يسأل المحتاج *** وما ظن بالخلگ ماضاگ ماعونك
يا وسفة الكفر بالكفر وصفوك *** بس بغيابك لأن چانو يخافونك
گالو مشرك وللصنم نسبوك *** لأن ما عدهم شِيْ البيه يدانونك
حاشاك وانت ثابت الايمان *** من يوم ال صرت حد ما غمضت عيونك

[محمد الكاظمي]

احسنتم كثيرا
اللهم ارزقني شفاعة ابو طالب يوم الورود


تحياتي لكم

[خليل علي الزبيدي]

الأبنة المباركة من نسل عبيدك احسبني ياحسين وفقك الله لنيل عالي الرتب بحق سيد العجم والعرب واله الميامين

[خليل علي الزبيدي]

الأخ العزيز الميزان طيب الله انفاسكم على هذه الأضافة المباركة بحق محمد وال محمد

[خليل علي الزبيدي]

ألأخ محمد الكاظمي أحسن الله أعمالكم وحشركم مع محمد وال محمد بحق سيد البطحاء وجد سيد الشهداء عليهم السلام

[علي حسين الخباز]

ابو آمنة اخي الغالي ومبدعي الكريم ما اجمل ان يحمل الانسان الولاء ابداعا والابداع انصافا هذا ضمير ادبي ينبع بالوجدان فدمت لنا شاعرا مبدعا

[خليل علي الزبيدي]

إستاذي ومعلمي الكريم علي حسين الخباز تقبل الله أعمالكم يعجز لساني عن التعبير حقا انها شهادة أعتز بها أسأل الله أن يوفقكم لكل خير ويدفع عنكم كل سوء لماتقدموه لنا , وحقيقة ما اكتب هو من بركة دعائكم وفيض انفاسكم الصادقة والطاهرة . لاانساكم من دعائي فلا تنسوني من دعائكم .

[الأزري]

صلوات الله عليك وسلامه يا كافل خاتم الانبياء ووالد سيد الاوصياء

قصيدة موفقة بارك الله بكم