قصيدة للسيدة خولة بنت الحسين

[احمد الحجي]

هاي اول مره ادخل للضريح
خوله يابنت الحسين الطاهره

عمرچ ؟ شگد عمرچ وشفتي المماة
چم روايه اعله العمر متواتره

العمر چان ثلاثه لو اربع سنين
بهالعمر مسبيه صرتي ميسره

يعني چنتي حاضره بيوم الطفوف
طفله وتدركين ما صار وجره

متي يا مولاتي من ضرب السياط؟
لو گضيتي من العطش يالصابره؟

يا ( رقية بعلبك) هاج الحنين
وجمرتچ بين الضلوع موجره

آيَ گلبه شگال زين العابدين
طفله ويودعچ بدي وسط الثره

وخله شجره لهالوكت موجوده هاي
شامخه وي المناره الزاهره

اني اجيتچ عبد واگف بين اديچ
لوالدچ خادم وخادم منبره

شاعر واكتبلچ بدمع العيون
وخادم الزوار سبع الگنطره

هاي ابياتي وطلب عندي ارتجي
عليچ ابو السجاد ابوچ ومنحره

كون ابقه اعليكم ابچي كل زمان
ونظره منچ ردت دنيا وآخره
..

اسألكم الدعاء
للشاعر
كرار حسين الكربلائي
( ابو كميل)

[علي حسين الخباز]

احسنت يا شاعري احمد الحجي لهذا الانتقاء ويسلم صديقي ابا كميل

[احمد الحجي]

اشكر مرورك الكريم مشرفنا الفاضل وفقك الله

[كرم الزهراء]

انتقاء مميز واختيار رااائع
احمد الحجي المتالق دائما
يعطيك العافية

[احمد الحجي]

اشكر مرورك الكريم اختي الفاضلة كرم الزهراء انتم من يبدع ومنكم نتعلم

[خليل علي الزبيدي]

الاخ العزيز أحمد الحجي تقبل الله أعمالكم بوركت أناملكم التي سطرت هذه القصيدة ودعائنا للاخ كرار حسين الكربلائي( ابو كميل) بان يقضي حوائجه للدنيا والاخرة بمحمد وعترته الطاهرة