قصيدة / ميلاد الزكي

[الشاعر سعيد الفتلاوي]

قصيدة / ميلاد الزكي
.................................
.................................

هالليله فرحت فاطمه والهادي كبّر
والجنان الليله كلها تْهني حيدر

بالامام المجتبه وْ بدر الهواشم
هالليله ميلاد الزكي والسبط الاكبر

جده سمّاه الحسن فخر الزچيه
بْهالاسم محّد تِسمه وْگبله يفخر

هالامام مْن الاله تْنزّل اسمه
مثله ابن هارون لكن اسمه شبّر

عاش باحضان النبي وْ بيت الرساله
مهجة الهادي نبينه وْ روحه واكثر

تْجمعت بيه المكارم والبطوله
مفخرة عدنان هذا البدر الانور

هذا ابن خير البشر وابن الرضيه
وْهذا ابن حيدر علي والبِسْمه نفخر

..............

بْحقه نبقه مْقصرين شما نگول
عن ابو محمد قليل شْما كتبنه

رابع اصحاب الكساء وْ عالي جاهه
يوگف بْيوم الحساب وْ يشفع النه

ساقي حوض الكوثر وْ باب الشفاعه
نشرب الماي مْن اديه بْمر عطشنه

ندعي وبْجاه الحسن وارث نبينه
بالفرج عجّل الهي وْ تِم فرحنه

جارو الظلّام عالشام وْ علينه
صار من سْنين دم ينزف جرحنه

بْهذا شهر الخير واياته العظيمه
اختم الالام يالباري بْفرجنه

للامام المنتظر عجّل ظهوره
قائد الاحرار والينه وْ املنه


........................
........................

خادم الامام الحسن
عليه السلام
الشاعر
سعيد الفتلاوي الطويرجاوي

[زينب المظلومة]

احسنتم اخي سعيد الفتلاوي
طيب الله انفاسكم ورزقنا الله واياكم الامام الحسن في الدنيا
وشفاعته في الاخرة ومبارك لكم هذه الليله الشريفه

[الشاعر سعيد الفتلاوي]

شكرا لك اختي العزيزه وفقك الله

[نور العترة]

طيب الله انفاسكم
في ميزان اعمالكم ان شاء الله

[محمدالفراتي]

اللهم صل على محمد وال محمد
عطر الله انفاسك

[الشاعر سعيد الفتلاوي]

شكرا لمروركم الكريم وفقكم الله

[علي حسين الخباز]

طيب الله انفاسك