تويت
تباهــــت دنيتــــــي ولبست حسنهه
وهنت فاطمـــــــه ابمــــولد حسنهه
عينـي ومهجتـــي الفرحـــه حسنهه
شافــــــــن دنيتـــي أمعيده وزهـــيه
زهيه وبالفرح تزهـــــي ولاعـــلام
ويسيل أمن الفرح دمعــي ولاعلام
وعاين سادتي حضرت ولاعــــلام
تبارك فـــــــــــاطمه وتبعـث تحيـه
تبارك فاطمــــــــه أبلهفــــة موالي
ويرد الكلب وي نغمة مـــــــــــوالي
وحس أمن الفرح روحـــي موألــي
أحس الـــــروح كصدت لــزجيــــــه
أحس الـــــروح عـد فاطـــــم لفتهه
أبمهد المجتبى أشواكــــــــي لفتهه
جمـــــــال الحســــن ونواره لفتهه
يشـــــــــع نور الحسن فوك البريه
يشــــــــع نور الحسن ضنوة علينه
ألف مبــــــــروك ياشيعــــــه علينه
أبـــــــــــولاء المرتضى وأله علينه
ويذل كلمـــــــــــن يعادي الجعفريه
يذل كلمــــــــــن يعادينـــــه قســمنه
أذا ضنـــــــــه أبكاذيبــــه قســـــمنه
وحـــــــك حيدر أذا نسحب قســـمنه
يوحدنه علــــــــــــــي ونفزع سويه
يوحدنه علــــــــــــي ويجمع شملنه
لئـــــن شيعه الصميده أسمه شملنه
أباة الضيــــم معــــــــــروفه شملنه
وحك حيدر علـــــــــي وحك الزجيه
وحك حيدر علــــــــي وعترة بنــينه
الحسنـــه أبكـــــل گلب حضره بنينه
وعله الغـــــــايب أمــــل يظهر بنينه
وننــــشده أبيا ذنب هــــدم البنيــــــه
ننــــشده وللبقـــــــيع أنصيـــح ودنه
حلــــــم مــــــرقد نريده أيصير ودنه
ونطـــــوف أبحضرتك يالحسن ودنه
مــــــــن بابك يبن حامـــــــي الحميه
عبد الخالق الحريشاوي
تعليق