تويت
من وزن المجرشهِ.. موراسك يابويه اتصوب ... شعرام هدى الخزاعي
.................................................. ..........................
موراسك يابويه اتصوب .............. ياحيدر وبدمه اتخضب
صابوا روحي ....... زادو نوحي
رديت من جديد اتعذب .............. موراسك يابويه اتصوب
…………………………...
يابويه حيرني الزمن ردت عليــــه أحزاني
يابويه صوبني الرجس حد صـــارمه وآذاني
من ادمى راسك ياعلي بنص الكلب صــاباني
صاب النظرمن صوّبك ﭽف الحقد واعماني
عاود عليه ابطـــبرتك جور الزمن بـﭽاني
وكبـــالك الروح التـــوت هــــد الدهر بنياني
اندب ويلي ............ هدمو حيلي
نيراني بنص كلبي وتلهب ................. رديت من جديد اتعذب
...
يابويه ياحيــدرعلي باصــرني شوف احوالي
روحي تلوج امن الهظم وانت التلوج أكبالي
دلالــــي يابـــويه اســتعر ينزف حزن دلالي
نيـــراني شبت بالحشا خوف وهظم يالوالي
يابــــويه وانا من الزغــر ابرالك وتبــرالي
لوترحل وزينب تظل ياهو اليصبرحالي
شيصبرني ..........بس خبرني
والموت اتمناه يتكرب ..................... رديت من جديد اتعذب
...
يابــــويه ملهوفة ﮔلب شاحب تغير لوني
حسبه التجي وحسبه التمر هاجت عليه اظنوني
خوف وحزن بيه وكدر تنزف يبويه اعيوني
وانا العزيزه بحضرتك بت الوصي يسـموني
باجر اذا شال الضعن اهل الحقد يـــولوني
منهو الينـشف دمعــتي ويكطع رشيح جفوني
بعدك صبري ...........الساعة كبري
وبحزني اتسمى واتنسب ..................... رديت من جديد اتعذب
...
يابويه ﮔلي بياﮔلب أحمل ﭽبير امصـــابـك
ياعين اصد وأتأملك متحني من أخضابك
يامهجه تحمل شوغتك تحمل هموم غيابـك
من كون اصل يم مسجدك واسمع يون محرابــك
ياحيدر اتفت الكلب وكفتها يمنه أحبابك
لو وكفت ايتام وحرم تبجي وتــــون اببابـك
خذنـــه الكبرك............ كلها اتخبرك
عيشتنا اعلى افراكك تصعب ................ رديت من جديد اتعذب
...................................
شـلي بحياتي ودنيتي لــوتخلى من راعيــها
من يسري نعشك ياعلي اسنين العمر لطويها
اتمنى بعدك باللحد روحي العليله افـنيــها
وحدك جنت يابو الحسن من همها التسليها
من ترحل المن اشتكي ومنهو الذي ايواسيها
كثره آلامي ...............ظلمه ايامي
وسنين ابلا نورك ترهب ..................... رديت من جديد اتعذب
...
يابـــويه تصــعب عالمحب حالتك هاي الليـــله
واعظمها ولدك بالحزن نعشك يبويه اتشــيله
ترحل يبوحسين وتظل بعدك مجدره العيله
هذا الحسن يابو الحسن ومصابك الهد حيله
وحسين اسمعه اعلى الفكد ينعى الوصى ويبجيــله
راح امن ادينا المرتضى وماعدنا ظلت حيله
يوصي بلوعه ............... تجري ادموعه
لاتسمع صرختكم زينب ....................... رديت من جديد اتعذب
..................................................... .
ونسالكم الدعاء ام هدى الخزاعي
تعليق