ماصابو راسك ياحيدر ------- صابو عرش الباري الاكبر

[ام هدى الخزاعي]

صواب العرش شعر ام هدى الخزاعي
---------------------------------------------------------------
ماصابو راسك ياحيدر --- صابو عرش الباري الاكبر
_____________________
وصابوبمصابك هاليله --- القران وايه وتنزيله
وهدو روح الكون وحيله --- وكل كوكب لمصابك كور
ماصابو راسك ياحيدر
_____________________
صابوكلب الهادي بهامك --- وظلع الزهره تهيجه الآمك
والمقصوديموت اسلامك --- وبموتك دينك يتاخر
ماصابو راسك واحيدر
_____________________
عاد النمرود ويه مصابك --- واشعل نارا بكلب احبابك
وابراهيم يون ابابك --- ودمعه اعله الخدين اتحدر
ماصابو راسك واحيدر
______________________
ظلمو عيسى وعادو صلبه -- وصوبو يعقوب بنص كلبه
من شاف ابمحرابك ذئبه --- ويوسف بمصابك يتعفر
ماصابو راسك ياحيدر
______________________
والصابك عاد بافعاله --- للطست ويحيى وكتاله
وصرخة ظلمه اتظل تتعاله -- ودمه ودمك صاح وكبر
ماصابو راسك ياحيدر
______________________
دم يحيى ودمك يتشابه --- نفس الجرم ونفس اسبابه
وتخضب كلمن بخضابه --- بطبرة راس ونحر المنحر
ماصابو راسك ياحيدر
_______________________
جف نوح وموسى التجالك --- وادم ون ويبجي الحالك
وذي القرنين الدنك شالك --- والخضر بدمك يتعفر
ماصابو راسك ياحيدر
_______________________
وام موسى ومريم والزهره --- وهاجر وام الزهره بعبره
يتفحصن راسك والطبره --- وامك تصرخ كلبي اتفطر
ماصابو راسك ياحيدر
_______________________

[خليل علي الزبيدي]

طيـَّب الله أنفاسكم على هذا النفس العلوي الصادق

[علي حسين الخباز]

طيب الله انفاسك اخيتي ورحم الله والديك

[من نسل عبيدك احسبني ياحسين]

مأجورة وموفقـــــــــــــــــــــــــــــــــــــة

[المستشاره]

ياليلة القدر تمهلي !!
مظلمه الدنيا بغياب علي (ع)

[مسلم المياحي]

المقصوديموت اسلامك
............
احسن الله لك العزاء ....احتي الكريمة حقيقة كلمات اكثر من رائعة