مــــــحتار ابقى ياعلي بمصابك؟
جفوف المنية شلون دﮔـت بابك؟
انت جـــــبرائل بضل سيفك يلوذ
وحتى ملك الـــــموت جان يهابك
الصلى بمحرابك تشوف الامان
شلون ابن ملجم وصل محرابك؟!
بيك انهدمت اركــــــــــان السماء
وبجه ياكرار سيـــــــــف الصابك
شجم يتيم الليــــــــله حسسته اليتم
والله يتمـــــــــــــنه علينه صوابك
الحسن ﮔـلي شلون من شافك تلوذ
وعـــــفية ﮔــلب حسين لمن شافك
نـــــــحبت الاملاك ضجت بالسماء
ونزل جــــــــبرائيل بجنحه وشالك
والســــــــماء السابعه لطمت عليك
ســـــــــاعة العرش الجلاله جابك
عـــــلي طلـﮔـت الذهب والمغريات
لـــــــــذلك الله ذل الذهب بعتابك
عــــــندي يامولاي طلبه بحضرتك
من اموتن اندفن يا سيدي بترابك
"غسق التميمي"
تعليق