ابوذيات شطريه (1)

[ابو سجاد الركابي الشطري]

قسم بالله بس الگلب لامك
فلا تزعل إذ فد يــوم لامك
جـم خـي ألك مـنولــد لامك
وانه خيك ومد راحات أديه
..............................
صايـم لا شـرب اشــرب .. ولا كل
وروگض خلصت عمري .. ولا كل
لان مـــاريد أمــد أيدي .. ولا كل
المراجل والــــخــــلك تعـطف عليه
.................................
الوادم نـخــــل حــصــته .. وانه عود
شجاني شدهور احوالي .. وانه عود
عسن لا طـالــت ايامــي .. وانه عود
انـتـظـر عــجـــت اتــــراب اتذر عليه
.................................
مــره الضغط صــاعد مــره سكر
وطبيبي المافـهـمـني الـبـاب سكر
لان ترجم اجروحي اجروح سكير
وانه ريـــح الخــمــر ما مر عليه
.............................
سطرني الوكت بس الغير بسعاد
بعد مــا بيه للـــسطـــرات بسعاد
يسعدي بكل مسيه ادعوك بسعاد
لان حـــــزن الــمـكابر حن عليه
............................
يكيظ شغيرك بــــالحر وفربيك
نسيت بخنصري خاتم وفربيك
بعد مـــاظــــن اجتفنك وفربيك
اذ شمس الشته صــــاير عليه
...........................
انه بعز البرد وتصيح شرجاي
بـعــد شنتظر ياسباح شرجاي
اذ عينك تصد وتكول شرجاي
شتاني وخزرت اعيونك عليه
...........................
الشاعر ابو سجاد الركابي
((شطرة))

[كرم الزهراء]

ابو سجاد الركابي الشطري المحترم
ابو ذيات راااائعة بحق
يسلم قلمك المبدع
يعطيك العافية

[علي حسين الخباز]

الاخ ابو سجاد الركابي شاعر ي الغالي لك محبتي ودعائي

[من نسل عبيدك احسبني ياحسين]

السلام عليكم موفق بحق آل محمد تستحق التقييم 100%