اباالفضل ادرك زينب

[مينا المرسومي]

عله اعيوني جرح بس الدمع يقرا
لهذا تشوف دمعي بكل وكت ينحب
بكبر الطف جرح كلبي وبعد اكبر
حزن يعكوب شاهد حالتي وشيّب
شكثر لوليت الك عباس ياعباس
وجنت تغفه اعله صورة وجهي يمعتب
جنت ماترضه بيه يمر نسيم الهاب
تعال وشوف خدري بكربله تسلب
اطشر حزن والتم صبر ايوب
واسمع صوت الله يساعدج زينب

[من نسل عبيدك احسبني ياحسين]

زينب هالاسم عجب خلايا الكـــون
ومــن شدة حزنها الصبر متعجب
زينب بالسبي تشهد عليها عيون
تمشي اعلى الحزن بخيال متحجب

[نور العترة]

الله كم انتن رائعات "مينا المرسومي ، من نسل عبيدك احسبني يا حسين "

احسنتن و بارك الله بِكُن

[من نسل عبيدك احسبني ياحسين]

انه زيــــــنب وعـگلي انشل ورايه

رحــــــت للنــــهر ومـصابي ورايه

إلـــــــي چـــــفين عـالشاطي ورايه

انـــــطوت يــم الگمر فوگ الوطيه

[من نسل عبيدك احسبني ياحسين]

بسّك يـــــا دهــــــر بـــــــالحزن وآنــه

دليـــــــلي ذاب لمّـــــــن كـــــثر وآنـــه

أخـــــويه اعـــلى الثره مطروح وآنـــه

بــاچـــــــــر بــــــالحرم أمشــــي سبيه

[من نسل عبيدك احسبني ياحسين]

شُجاع وجلمته حكمة==== وراية

بيمينه سيف يتمايل==== وراية

نده كل صحبته سيرو====وراية

نفدّي الروح لولاد الزجية

[من نسل عبيدك احسبني ياحسين]

جـــرعت من النوايب راح من راح

وانطــــحنت ظلوعي براح من راح

انشدك عــلى كفيلي الراح من راح

دمي ودمعــــي يــــتــفايض ســويه

[مهندسة كهرباء]

بارك الله بكم

[خليل علي الزبيدي]

الأخت المباركة مينا المرسومي مبارك لكم هذا الولاء أسأل الله ان يجزل لكم العطاء بحق سيد الشهداء واخته الحوراء وقد أفاضت قصيدتكم الولائية على العبد المسكين بهذه الكلمات بوركتم وجميع الاخوات المؤمنات وفقكم الله بحق محمد واله الاطهار

يلتمتدح زينب ماخطـــــــــيت الراي
شعرك للشمر بالقافــــــــــــيه صوب
يعني انته مجاهد وي ابو الســــجاد

وبـﭽف الصميده من النــــبع تشرب

[محمد الكاظمي]

الله الله
طبب الله الانفاس احسنتم كثيرا