ألأبنة العزيزة من نسل عبيدك احسبني ياحسين أسأل الله أن يزيدكم توفيقا على هذا التوفيق ويكتب لكم سعادة الدارين بحق الحسن والحسين عليهما السلام
-
جواباً لمن مدح العقيلة زينب (عليها السلام )
جواباً لمن مدح العقيلة زينب (عليها السلام )
يامحله الشعر من ينكـــــــــــتب للنور
أظن بيد العقيله الزاﭽــــــــــــيه ترتب
يرضه الباري من ترضه أخت عباس
ولو تغضب وحـﮒ ام الحسن يغضب
يلتمتدح زينب ماخطـــــــــيت الراي
شعرك للشمر بالقافــــــــــــيه صوَب
يعني انته مجاهد وي ابو الســــجاد
وبـﭽف الصميده من النــــبع تشرب
حاشا اللي مدح زينب يــــطب النار
وجفن اللي بـﭽـاهه بدمع يتعـــذب
النجاة بدرب زينب والجنان هناك
ميهمنه النفــــــاق الشرﮒ وغرَّب
إسم خادمها مكتوب بصحاف النور
واسمه بصك علي محفور ومذهَّب
وأويلي علَ اليحارب زينب أخت حسين
دنيا وآخره بالنــــــــــــــــــار يتـﮔلب
زﭽــــيه وطاهره وحره وكريمة بيت
ومن معدن الحكمة صبها ربك صب
إنـﭽـان الناس الها ويَ المذاهب حال
إلي حب العقيــــــلة أم الخدر مذهب
التعديل الأخير تم بواسطة خليل علي الزبيدي; الساعة 13-08-2013, 11:01 PM.
اترك تعليق: