تويت
يابقيع يلــيّ جـــرحك ينتحب يالَ البـــدار
يابقيع أبيا سحابه وتنحجب شمش النهار
يمحي سيـرة ياإمام يخفي نورك ياظلام
يلي جرك ينتحب يالَ البدار
مانسينــه الدمعه تشهد لاوحـﮓ هامة علي ونحـر السليب
والله بينـه ماتــضمّـــــد يّدي جــــرحك بالمهـــج لامـايطيب
اتعــذبيـنـه مـــــن تعــمد يهدم ابـﮔــبر الحسن ﭽف الغــريب
يانبـينـــــه يامــــحمــــــد هذ سبطك صحنـه والمنظـــر كئيب
بنتحاب صعبه والله انشاهدك بس مانطوف
بنتحاب والسلام أمن البعد نرفــــــع ﭽفوف
ويبدي ويانه الشتام يخفي نورك ياظلام
ابيا مصيبه نبتــديهــــه بينه عبـرات أعله جرحك ماتهـــون
ﭽـن غريبه انمر عليهه تجــرح آثار المــــراقـد بالعيــــــون
والعجيـبـــه اليعتـنيهـــه مشــــرك ايسمونـــه لابد مايكـــون
بـس نحيبـه يشفه بيهـه صدره لوسالت دمه ادموع الجفون
لاضريح لامناره ومـــــــرقد الزيــن العباد
لاضريح وننصب ابابه المــــــــآتم والحداد
ونقره بالحضره السلام يخفي نورك ياظلام
اشمانعاتب هـــايقــــائم بينه عبــــرة منهظـــم مل العتـاب
لايغــــــايب هالمظــــالم عين مشبوحه ورجت منك جـواب
هـالنواصب مـــاتحاكــم مرقد الباقـــــر يظل بس التـــراب
مــن تحارب بالملاحـــــم أتكحل اعيون العمت من المصاب
والنداء ابعينك انظــــر سيدي جرح البقيـع
والنداء ينزف اهموم وعتب مشهد فضيــع
ما يوصفهــه الكــــلام يخفي نورك ياظلام
لوحضـــرنه وشاهدينه ﭽـن أسيـــر ابديرتك نبدي العــويل
مــن نضرنه اتـــألمينـه جرحك اينادي يبن حامــي الدخيـل
منتـظــــرنــه ياوليـــنـه ننتحب هدم المــــــراقد مــو قــليل
مل صبـــرنه وعــاتبـينه آه يمهدي الصـادق ادموعه تسيـل
يازمـان تبنــــي مرقد فـــــــاطمـه أم الذبيح
يازمـان جدك الصــــادق تشيدله ضــــــريح
يمتـــــه وتحل اللثــام يخفي نورك ياظلام
آه يــزينــب والزﭽيــه ابعبره حضــرن شاهدن هدم القبور
ويلي تنحب للـــــرزيه وتعدل ابـﭽفهــــه المدافـــــن للبدور
والله تصعب هاشميــــه اتنادي غايبنــه انهضمنه وماتـثــور
ﭽـن تخضب عـــالوطيه حسين ضامي وشاهدت ﮔطع النحور
ﭽن شوف فاطمه ابـﭽف الجنت كسـرالظلـع
ﭽن تشوف زينب الذابــــح وليهه وتنفجــــع
ﭽن يحرﮔون الخيام يخفي نورك ياظلام
عدنه والي ونشتـكيـــله انـﮔله زينب رادتك تحضــــرتشوف
انتـه غالي أعله العقيله وتدري هظمنهــه النوايب بالطفوف
ﭽـان عالي ابسد كفيــله الهودج ولجله الـﮔمرﮔص الـﭽفوف
ابيــا ليالـي تعـتـنيــــــله وشـــــــاهد المـــرقد يحطونه ألوف
لا يغــايب لايرد هدم البقيــــــــع أعله اضريح
لا يغـــايب تدري زينب حشمت مهدي تصيــــح
عمه شتمــــوني اللئام يخفي نورك ياظلام
ــــــــــــــــــــــــــــــــــــــــــــــــــ ــــــ
الهظـــــم بينه يغايب ماتعده
علم عبـــــــاس وينه ماتعده
لون حاضــــريمهدي ماتعده
عله ارموز البقيع الهاشميـه
عبد الخالق الحريشاوي
تعليق