آني مو شاعر ولا اكتب شعر (بقلمي )

[من نسل عبيدك احسبني ياحسين]

السلام عليكم الأستاذأبوامنة ادمعت عيناي بهذه الكلمات المؤثرلأنك ذكرت العطشان والغريب والمظلوم موفق بحق آل محمد/

[خليل علي الزبيدي]

آني مو شاعر ولا اكتب شعر وشيجـــــــــيب الذاري لجبـال التبر
ولا ني بفنون النغم اعرف مقام وﮔلبي بدروب العشـﮒ ماله سعر
ولاني حافظ مفردات وبيـَّه اصوغ وبين صياغ النــظم مالي شذر
وما إلي بستان يجمع لي الورود ولو أجـــــمع ورود مابـــيها عطر
لساني عصفور وهوى سحر الكـــلام ورايد بآخر وكت يصبح نسر
بيدي ﮔـشه وساحل الفرحه بعيد بيا حلم هالـﮔشه تصـــــنع لي جسر
كلشي ماعندي ولا أملك مقال ولون بس يوم امتـــــــحن آخذ صفر
لـﭽن عندي حسين وبيا سمه حسين ؟ ويا زمان الما يعرفه وياعصر
آني خادم لون يقبلني الحســــــــــين ذاك يوم اتبــــــاهى بيه وافتخر
خادم الخدام تاج عل الرؤوس او وجهَ من دون الخلايق يبتـــــــشر
إحنه ليل اسود يحاوطنه الظلام وبس نصــــــيح حسين يلفينه الفجر
احنه عدنه ﮔـلوب أقسى من الجماد وبس نصيح حسين ماي وننفجر
نريد شمس حسين تطلع عالنفوس ولو ﭽبيره الشمس نقـــبل بالبدر

شوال 1434هـ