قصيدة / اشكيلك الاحزان

[الشاعر سعيد الفتلاوي]

الى مولاي صاحب الزمان
عجّل الله فرجه الشريف

قصيدة / اشكيلك الاحزان
....................................
.........................

بْلوعه وْ الم اشكيلك الاحزان
يبن الحسن يا حجة الرحمن

انت الفرج بيك اعتقد مولاي
جور وْظلم كلها اصبحت دنياي

بْهذا الزمن هوايه اصبحو ايتام
بْفعل العصابه التدّعي الاسلام

منهم براءه الدين والمعبود
الحكم الدعي يردو يرد رْدود

اهل البدع باسم الشرع يفتون
وْبلسان ابو سفيان من يحچون

صار القتل كل همهم الانذال
من هالظلم ما سلمت الاطفال

ضاع الامن وتْذبّحت هالناس
وبْيا ذنب ذبحوهم الانجاس

كل ما كتبت اشعار بيها احتار
عدنه المآسي هواي شرد اختار

آنه اعتذر لو قصّر التعبير
عندك علم باللي جره ويْصير

وْعينك تشوف الجور يالمعصوم
وتشاهد الظلام والمظلوم

انت الامل يالمنتظر ننخاك
عجّل يبن حامي الحمه فْديناك

تْقيم العدل يالوالي منتظريك
يا وارث الاطهار نفخر بيك

بْسيفك يبو صالح تزيح الجور
ردّ الامان ادركنه يالمنصور

دولة علي باذن الله بيك تْعود
يبن الحسين وْ بيك عزنه يْعود


..................................
......................


خادم اهل البيت ( ع )
الشاعر
سعيد الفتلاوي الطويرجاوي

[من نسل عبيدك احسبني ياحسين]

السلام عليكم موفق بحق ال محمد

[مهندسة كهرباء]

بارك الله بك

[الشاعر سعيد الفتلاوي]

شكرا لكم وفقكم الله