قصيدة / دْموع الحزن

[الشاعر سعيد الفتلاوي]

قصيدة / دْموع الحزن
........................................
........................................

اهديها الى روح اخي الغالي
شاعر اهل البيت عليهم السلام
الاستاذ المرحوم
علي محمد الحسناوي
( ابو رقيه )
ورحم الله من يقرأ سورة الفاتحه
مسبوقة بالصلاة على محمد وال محمد
اللهم صّل على محمد وال محمد

.............................................
.............................................

الموت حق وْ ما تصده اعظم قلاع
بس حسافه اعله اليموت بْلا وداع

من سمعت آنه الخبر كل حيلي راح
صدمه هزّت كل كياني وْفكري ضاع

استغفرت رب الجلاله وْ كبرت
السورة الحمد العظيمه الساني ذاع

گالو اهلي شْبيك شو وضعك غريب
وْ حالك تْغيّر رسم وجهك كئيب

عن علي الشاعر خبر گالولي مات
نزلت دْموع الحزن صار النحيب

مات اخوي الچنت اسميه العزيز
وسفه والله وْحسره عالغالي الحبيب

صعبه من تفگد عزيز بْهالحياة
وْصعبه يرحل ماضي يصبح ذكريات

شْلون تنسه وْ ذكره عن بالك يروح
غير صبرك ما تفيدك نايحات

سلّم امرك للكريم الكل يموت
اَختم وْ گلبي جروحه مْطبّرات


.........................................
.........................................

الشاعر
سعيد الفتلاوي الطويرجاوي

[خليل علي الزبيدي]

ياسعيد الخـِدَم زينب مايمـــوت وتبقه منزلته وي شعره بارتـــــــفاع

الشاعر المهيوب من يذكر حسين بالـﮔبر ابياته تصــــــبح له شعاع

لانه ضوَّه الدنيا بأحزان الغريب وساهر الساعـــــــات وتحمل اوجاع

تحمل الظلام وارهاب وسجـــــــــــون لأجل شعره يصير للعتره دفاع

ﭽم علي الحسناوي مشعل بالطريق ضوَّه بانوار الشـــــعر كل البقاع

ياسعيد حسين ماينسه الانصار وللي يكتب شعر ما ظن شعره ضاع
يرحم المعبود خـــــــــدام الغريب وكل موالي ان ﭽـان يتوسد الـﮔـاع




أخي العزيز الشاعر سعيد الفتلاوي الطويرجاوي عظم الله أجوركم ورحم الله شاعرنا المرحوم علي الحسناوي نسأل الله ان يتغمده بواسع رحمته وان يحشره مع محمد وال محمد بمحمد وال محمد

[نور العترة]

ليتني كنت ممن يجيدون الشعر و لكن اقول رحم الله الشعراء الماضين و رحم الله شاعرنا المذكور و اقول كما قال استاذنا الفاضل ابو امنه
ياسعيد حسين ماينسه الانصار وللي يكتب شعر ما ظن شعره ضاع
رحم الله الشاعر و جميع موتى شيعة علي امير المؤمنين
و الهم اهله و اهلك الصبر و السلوان

[الشاعر سعيد الفتلاوي]

رحم الله والديك اخي الغالي والحبيب ابو امنه

[الشاعر سعيد الفتلاوي]

رحم الله والديك نور العتره

[من نسل عبيدك احسبني ياحسين]

السلام عليكم رحم الباري كل خدام الحسين ع وموفق بحق آل محمد

[علي حسين الخباز]

رحم الله شاعرنا الحسناوي ورحم الله جميع الشعراء الحسينين .. وبارك الله فيك اخي لهذ الوفاء دمت ايها الفتلاوي

[الشاعر سعيد الفتلاوي]

بارك الله فيكم احسنتم العزاء