قصيدة حب ابو الحسنين

[الشاعر سعيد الفتلاوي]

قصيدة / حب ابو الحسنين
......................................
.........................



الحمد لله والشكر حب الوصي بي نفتخر
رحمه من رب الجلاله نفرح بْيوم الحساب

حُبّه من حب النبي هاي الحقيقه وْ نعتقد
واليخالف هالحقيه خل يِفسرنه الحمد

فاتحة اعظم كتاب وْ خالق الكون شْقصد
ندري تفسير المخالف مو صحيح بْلا سند

والسند عدنه وْ نِعرفه واضح وْ مثل الگمر
عْرفنه تفسير الصراط مْن الولي وآله الغرر

رافضيه الكل تفاسير المخالف والنكر
حق ولاية حيدر الكرار واولاده الدرر

يالمخالف اقره وتْبصر گبل يوم الاجل
ما تنول انت الشفاعه وْ ما الك ذرة امل

حب ابو الحسنين اصل الكل صلاه والكل فَرض
ما يهمنه لليخالف هالنهج واليعترض

حيدر الكرار اشرف هالبشر بعد النبي
من صلب الاصلاب طاهر بالنسب حرّ وْ ابي

للمات نْحب ولينه وْ ما نعوفه شْما جره
لو يگطعونه وذر نصرخ ولينه حيدره

حارو الظلام من ذاك الزمان وْ هالزمن
حرّفو اكثر احاديث النبي سوّو فتن

حق ابو الحسنين بخسوه بْاحاديث البدع
لااساس الها وْصحاح وْبيها الاسلام انفجع

خالفو امر السماء الحق ولينه عارضو
من بعد موت النبي جارو عليه وْحرضو

من بِدَو اهل الضلاله مْن السقيفه شَرّعو
وْتركو جْنازة نبينه وْلا اجوها وْ ودعو

چم نفر من الصحابه وْيالوصي همّه البگو
البيعة الشيخ النكر عهد الغدير تْسابگو

والمكايد عالولي بْذالك المچان تْاسست
وْظلت الهذا الزمان وْچم مكيده تْوثقت

ماتهمنه كل مكيده نْظل موالين الوصي
وْخل يسمعون النواصب لا ولي الا علي


.....................................
...........................


خادم امير المؤمنين ( ع )
الشاعر
سعيد الفتلاوي الطويرجاوي

[كرم الزهراء]

تسلم شاعرنا الكبير سعيد الفتلاوي الطويرجاوي
قصيدة راااائعة جدا
يعطيك العافية

[من نسل عبيدك احسبني ياحسين]

السلام عليكم موفق بحق آل محمد

[مهندسة كهرباء]

بارك الله بك

[خليل علي الزبيدي]

الاخ العزيز خادم امير المؤمنين ( ع )الشاعرسعيد الفتلاوي الطويرجاوي هنيئا لكم هذه الخدمة وهذا الولاء
سقاكم الله من حوض أمير المؤمنين بمحمد وال محمد .

[الشاعر سعيد الفتلاوي]

اسال الله تعالى ان يثبتنا على ولاية ابا الحسن عليه السلام
شكرا لكم احبتي وفقكم الله