بقلـــــــــــــــمي أنه أجروحي سبايه اليوم ياعباس

[فداء الزهراء]

بقلـــــــــــــــمي المتواضع


أنه أجروحي سبايه اليوم ياعباس
ومثل زينب أجيب منين وتلمهن
أنه بكلبي المصايب فطرن الكلوب
من يوم الطفوف أحزاني ساترهن
من شفت العقيله بفرد أيد وعين
ابأيد تلم يتامه أبعين تنطرهن
ومن شفت العقيله تركض من الخوف
خاف النار تحرك ثوب ساترهن
ومن شفت العقيله اتصيح آه يحسين
بناتك يبن ابويه البين طشرهن
ومن شفت العقيله دارت العباس
أكعد ياكمر وأيديك رجعهن
ومن ىشفت العقيله اتنادي يا عباس
كوم الحك خواتك منته كافلهن
ومن شفت العقيله اتنادي رب الكون
الك كلشي اليملكه حسين قدمهن
ومن شفت البطوله ابنظرة الحوراء
جمر صار الدمع وجروحي كبرهن
أستهظم اذا عالخد دموعي اطيح
أريد الدمع لخدودي يحفرهن
الجرح عكس الزرع يكبر شما تنساه
وبس زينب تروف أجروحي باطنهن
أنه مضيعه الفرح ما أدري وين الكاه
اعتب عالزمن والزمن حددهن
شيفيد العتب والصبر ماموجود
وأيام المحنه الدهر فرهدهن
تظل أجروحي أسرى ويحديهن ذيب
ومن ايطيحن بدين الذيب شيهدهن
مثل نفحت ربيع انطر ظهورك يوم
تسل سيفك تكص ركبة الكايدهن

[مهندسة كهرباء]

بارك الله بك

[من نسل عبيدك احسبني ياحسين]

السلام عليكم موفقة بحق آل محمد

[فداء الزهراء]

شكراً على المرور العطر الذي فاح ريحه بكل المنتدى نورتوني التوفيق للجميع

[علي حسين الخباز]

فداء الزهراء ابنتي الغالية انت شاعرة ولك من التمكن فارجو الاعتناء بشعرك واهلا بك شاعرة حسينية لمنتدى الكفيل لك المودة

[خليل علي الزبيدي]

قصيدﭺ يافدا الزهراء لخت حسين ماي العلـﮔمي بالطيب ناثرهن

مابي عيب بس عيب البشر يحتار على كبر المعاني من يجاوبهن



اختي العزيزة خادمة الزهراء ( فداء الزهراء ) قصيدة مباركة وجميلة جدا وفقك الله لخدمة اهل البيت عليهم السلام وفتح عليكم مصاريع الرحمة والفلاح والتوفيق وكتب لك حسن العاقبة بمحمد وال محمد.