قصيدة بحق الامام الصادق عليه السلام

[احمد الحجي]

عظم الله اجوركم بمصاب مولانا الامام الصادق عليه السلام
..
يالصادق يومك فاجعنه

نودعــــك يــــــالقرآن الناطق
انت السابق وانت اللاحق
نبجي اعله مصابك يالصادق
مـــا يكفي لفكدك مدمعنه

اسست بفــــــــكرك مذهبنــه
وحققنــــه بفضلك مطلبنه
هجرانــــك نـــــار تعــــذبـنه
وبهـــــاي النــــار اتلذعنه

ينعــــــاك الــــدين وقــرآنــه
الاحكـــــام لفكدك حزنانه
مر فراكـــــك يــــا مـــولانه
يلجـــــنت بعطفك جامعنه

اجـــــيال بــــعلمـــك تتـــعلم
صله الباري اعليك وسلم
واويـــــلاه اتجــــرعت السم
ريــت لذاك السم اجرعنه

بدلت الظــــــلمه بــــانوارك
شيـــــــدت الدين بأفكارك
منك موحش اصبــــح دارك
يــالصادق واحنه اتضيعنه

جمر السم ظل يخطف لونك
ولمــوتك غمضت اعيونك
والشيعه بنــوح يشيــــعونك
يــــاريت المــــوت يشيعنه

من حيدر يالمآخذ صبــرك
آهــــات وهم خلص عمرك
الله يلعن هـــــــادم كبـــرك
كبـــــرك مــــهدوم ولوعنه


خادم آل محمد (عليهم السلام)
كرارحسين الكربلائي

[من نسل عبيدك احسبني ياحسين]

السلام عليكم مأجوروموفق

[احمد الحجي]

اشكر مرورك المبارك

[سهاد]

شعر رائع جداً سلمت تلك الانامل التي خطته
مشكور اخي الفاضل احمد الحجي على نقله لنا
تحياتي

[خليل علي الزبيدي]

ينعــــــاك الــــدين وقــرآنــه
الاحكـــــام لفكدك حزنانه
مر فراكـــــك يــــا مـــولانه
يلجـــــنت بعطفك جامعنه

أحسنتم أخي العزيز أحمد الحجي قصيدة جميلة وفقكم الله ووفق الشاعر خادم آل محمد (عليهم السلام) كرارحسين الكربلائي

[علي حسين الخباز]

انتقاء بهي شكرا لك احمد الحجي موفقين

[نورالحسن]

احسنتم بار ك الله فيك

[أنصار المذبوح]

بارك الله فيك
جـــــــــــــــــــــــــــــ الله خير الجزاء ـــــــــــــــــــــــــــــزاك

[احمد الحجي]

اشكر مروركم الكريم وفقكم الله