مولد فاطمة المعصومة عليها السلام (بقلمي )
من ساﮒ العرش شعشع ضوه الأطــهار ويم عش آل أحمد ثبتت أنواره
ومن موسى بن جعفر طلع فيض الجود كاظم غيـــضها الماخذل زوَّاره
وبسم اخت الرضه دﮔو أساس البيت لعــــــــنان الســـمه ومهدِّله اثماره
جنـَّة عدن عتبه لكل ﮔلب ملهــــــــــــــوف بس يدخل يسلـَّم ياخذ بشاره
كريمة آل أحمدْ مـﮔــــــــــــــصد الوفاد شمعة طور سينه البيدها اسراره
قناديل القدس من عدها تاخذ زيت وبــــــــــيت الدين منها يطرز استاره
ونـَزلها محصَّن بمشكـــــــــــاة جبرائيل وأهلها محصنه من قوة اسواره
عليها يـﮔول اخوها والجواد الحيد زاير فاطمه للجــــــــــــــــــنة معباره
معصومة وكريمه وصاغها الجــــــبار نجمة طـــيب للمنتظر وانصاره
وشفيعه وزاﭽــيه وكوثر بارض ايران ولو ماﮔبر اخوها يبست انهاره
واريد بمولد المعصـــــومه يا الله تذل كل ناصـــــــــــبي وتوجِّره بناره
وكلمن زار عتبـــــــتها يريد يفوز تنـــــــــــــفذ حاجته وتقبلْ له الزياره
ونسألكم الدعاء
ليلة الاول من ذي القعدة 1434هـــ
تعليق