اصحاب الحسين عليه السلام
رتل الدم اناشيد الوفاء ** واعتلى السيف رقاب الطلقاء
ثورة الحق المبين ** هكذا اصحاب الحسين
*******************
ذوله اصحاب الحقيقه ** للوفه صارو علامه
للشرف صانو حدوده ** وثبتو ركن الكرامـــه
ذوله هالصحبه الشريفه ** يفدي كل واحد امامه
يدرون شنهي غايته * بالدمه علو رايته * بالوفه دكو ثايته
ثبتو درب الشهامه
اصبحوا رمزا جليا للاباة ** وتصدوا بشموخ للطغاة
فيهمُ سر اليقين ** هكذا اصحاب الحسين
*********************
نادو حسين بعباره ** انته كلنه واحنـــــه كلك
احنه غايتنه الشهاده ** جينه هالكلمه نكلـــــــــك
نبتغي بهاذي فخرنه ** وهالفخر لو متنه لجلــــك
مافاركوه ولا مشو * يمه بعزيمتهم اجو ** كالوله هالكلمه وبجو
بياارض نلكه احنه مثلك
نحن جئنا ياحسينا للفداء ** وغدا تشهد فخرا كربلاء
تقتدي بالطاهرين ** هكذا اصحاب الحسين
********************
كلنه يبن الهادي نصبح ** فدوه يحسين الترابـــــك
منك اتعلمنــــــه عــزه ** وتسجد العزه اعله بابــــك
لو الف مره احنه متنه ** والله اهون من مصابـــــك
بنهج الولايه نهتدي * وبأمرك احنه نقتدي * كلنه فده ياسيدي
لجدمك وزهرة شبابك
ياحسينا انت عنوان الوجود ** ومنحت الدين سرا للخلود
في الحسين هائمين *** هكذا اصحاب الحسين
*******************
همه سبعين الصحابه ** اتغذو بسر العقيــــــده
وهالحبيب ابنه مظاهر ** راية الانصار بيـــــده
مسلم وحر الرياحــي ** بالدمه كتبو قصيـــــــده
جون اويه عابس هالبطل * وازهير طلكهه الاهل * والباقي للعالم مثل
فجرو ثوره مجيــــــــده
ارعبوا تلك الجيوش بالقتال ** وتصدوا بصدور للنبال
تزهوا من نور الامين ** هكذا اصحاب الحسين
********************
لو نفتش كل كتبنه ** كلي هم نلـــكه مثلهـــــــم
كل نفس عدهم رخيصه ** والشهده كل املـــهم
عبره صارو للبريه ** بكل شرف لاكو اجلهم
بحبك يبو اليمه افتدت * وبحبك ادموم انزفت * صانت عهدهه وبيه وفت
يبجي كل مؤمن لجلهم
ضحوا في حب الهداة الطاهرين ** واستحقوا رتبا في الخالدين
وافتدوا للصادقين *** هكذا اصحاب الحسين
تعليق