تويت
هلالية استقبال محرم
هلالك محرم باحزان هل ومئاسي
بطلعتك ناح الاسلام *** عالعتره هلت الام
***************
بطلعتك مكتوبه دمعه ** والالم انته ومعاده
الليله جبريل بطلعتك ** يعلن احزانه وحداده
والملك هلت دموعه ** وبالسمه ينشر سواده
العيون صوبك ناظره * والعرش حضر منبره * تبجي دنيه واخره
ويبجي قانون العباده
بالدمه ونوح واشجان نورك يلالي
مرفوعه سوده الاعلام ** عالعتره هلت الام
******************
شوفة اهلالك محرم ** للحزن صارت علامه
بطلعتك مرسومه عبره ** تبجي عالدين وامامه
وصوره تبجي اعله المئاسي ** للارامل واليتامه
هل الدمع وي هلتك * لوعات تحمل طلعتك * عنوان صارت دمعتك
تشهد بيوم القيامه
تشهد عله كل ماصار بالغاضريه
بهلتك ضاعت احلام ** عالعتره هلت الام
******************
انكلبت الدنيه بطلعتك ** ظلمه يهلال وكئيبه
وصارت الايام سوده ** والتُمُر حاله رهيبه
والهضم عالعتره خيم ** بطلعتك صارت غريبه
درب الفرح منك هرب * حسرات وهموم انكلب * وي طلعتك كلشي انكتب
انكتبت احزان المصيبه
انكتبت مصايب ودموم تجري بطلعتك
جفن العقيله مينام ** عالعتره هلت الام
*************
عترة الهادي بطلعتك ** عاشت بونه طويله
رسمت ايامك نوايب ** هدمن حيل العقيله
والضعن حهز رحاله ** ينتظر جية كفيله
بجيت يهلال الصخر * وبنوحته ناح النهر ** بطلعتك مرسومه العبر
والحزن اصبح وسيله
بشوفتك ال المختار ظلت حزينه
ملتمه ضدهه الظلام *** عالعتره هلت الام
******************
تدري كل اهلال يطلع ** عدنه عاشور ايتسمه
وكربله كل هاذي ارضي ** عدنه هاليوم اتسمه
بطلعتك عين المتبجي ** بالحشر ندريهه تعمه
يهلال وياك بوعد * وناهد حسين بعهد * وياه نبقه للابد
وبالكلب خطينه اسمه
بالكلب عايش الحسين ويه الضماير
يهلال تشهد الايام *** *** عالعتره هلت الام
تعليق