العقيله والالام
مثل امهه زينب بالصغر هضموهه ** بجور ومصايب وبحقد ظلموهه
من حقهه مسلوبه ** غربتهه مكتوبه
مثل امهه زينب بالصغر هضموهه
******************
زينب الحره العقيله ** هالزمن يامه هضـــــمهه
عاشت اويه الزهره فتره ** وشافت الجاني الظلمهه
تنظر الأمهه الحزينه ** تسمــع الونه بعظــــمهه
من الصغر متألمه * وعالحزن متعلمه * بالهضم جنهه فاطمه
تدري بالكسر الولمهه
ياشيعه عذبهه الجره خلف الباب ** شافت اضلوع امهه الزجيه تنصاب
دنياهه مكلوبه ** غربتهه مكتوبه
**************
تحجي ويه امهه وتكلهه *** منهو سببلج مصابج
والسطر وجهج ييمه *** واشعل النار اعله بابج
والضلع ياهواللي صابه *** وبالكسر كثر عذابج
محسن مردهه الجبدتي *محنتج صارت شدتي * واشلون بيه بوحدتي
يمه رديلي جوابج
ذوله الي عذبو مهجتج هضموني ** ومن بعدج ادري بهالعده يظلموني
باسياط مضروبه ** غربتهه مكتوبه
******************
طفله عاشت محنه مُره ** اودعت اغله الحبايب
بنيّه محرومه وصغيره ** تحملت ضيم ومصايب
شنهي حال الطفله شنهي ** عاشت بنص النوايب
شمعة الزهره انطفت * زينب بنوح اذبلت * بالوصيه اتمررت
طفله جنهه بلا كرايب
وصتهه امهه بكربله من تجره ** تحب الحسين اتقبله من نحره
هالمده محسوبه ** غربتهه مكتوبه
********************
الزهره تحجي اويه العقيله ** والدمع يجري اعله خدهه
سولفت كل المصايب ** وكل جرح يجري بعدهه
والوكت لو مر عليهه ** مايظل واحد سندهه
تكلهه كلبج ينفجع * اقوه من كسر الضلع * ظلت تهل دم الدمع
ضاكت المر بفكدهه
تبجي الزجيه من دمه تهل العين ** تدري بمصيبة كربله ويه حسين
والخيم منهوبه ** غربتهه مكتوبه
*******************
زينب اتحاجي الزجيه ** اتكلهه يحبيبه ييمه
عمري ماينفعني بعدج ** والكلب يجويني همه
لو رحلتي اليوم عني ** دنيتي تصبح مظلمه
يابعد روحي وكل هلي * ياهو اليظل يمه الي * انسبي بعدج وانولي
وضعني يايمه اشيلمه
ظلت حزينه والقهر ياذيهه ** وضلع الزجيه الطاهره جاويهه
باحزان معصوبه ** غربتهه مكتوبه
*******************
زينب الشافت مئاسي ** صعبه عالوادم تشوفه
جم طليق الضدهه واكف ** والزمن جرد سيوفه
وشافت اعله الباب صوره ** صورة حسين وطفوفه
شافت زلمهه اتذبحت * واطفالت كثره اتيتمت * من المصايب ماصحت
والكمر شافت جفوفه
اصعب مصاب الشافته ايسروهه *** بحبال اميه المجرمه ايجروهه
اختك المهيوبه ** غربتهه مكتوبه
********************
تعليق