اهل الكراسي

[الشاعر الغريب]

شحجي ياوطن وبكلبي نيران

من كثر الشرار اختنكت انفاسي

حزب واحد كبل ومعذب الناس

هسه احزاب كثره تنهب بسـاسي

شنهي اللي تغير بس الاسماء

بعضهم مااظن مايوصل مداسي

يحكمون البلد اقسم حرامات

شيبولي الكلب والروح مو راسي

زيتوني اللبس بايام هدام

واليوم اللبس بالقوط هنداسي

دكتور الرفيق اتلقب اليوم

وحجيه الرفيقه ام الأماسي

كبل جانت رفيقي وهسه مولاي

واليبوك الشعب اصبح سياسي

تفجيروقتل وادموم كل ساع

عايش هالشعب بس عالمئاسي

علامات الالم مرسومه بالعين

متوشحه بحزن اهلي اويه ناسي

الرواتب والتقاعد بالملايين

ومن كل الدول عدهم جناســـــي

همهم بس نهب واحساب دولار

امعارك عالمناصب والكراسي

كل ظنهم صبرنه جاي من خوف

يظنون الشعب للماضي ناسي

اشتكت حتى الارض من كثرة البوك

من كثر النهب تشكي المراسي

لون طك الصبر نعلنهه انذار

وتدك ساعة خطر تقرع اجراسي

اذا يغضب شعبنه ايشك الحلوك

ويعلن للملأ حكمـــــــــه الرئاسي

[من نسل عبيدك احسبني ياحسين]

السلام عليكم متى ينتهي حكمهم؟موفق بحق آل محمد

[الشاعر الغريب]

الاخت من نسل عبيد احسبني ياحسين

بارك الله بك وسدد خطاك

[الشاعر الغريب]

اعود للتذكير بأن هذه القصيده فيها بعض

الابيات تختلف عن التفعيله الحقيقيه للقصيده

واحببت ان اجد من يصحح لي !! ذلك ولهذا

عقبت ورددت من جديد