تويت
(( عتاب الغريبه )) بقلم عاشقة زينب عليها السلام
على طور قصيدة الحاج الملا باسم الكربلائي الله يحفظه
بالخيم نار يعباس يعباس
*******************
بسمه تعالى
يامه ناديت يعباس يعباس -- وحدي ضليت يعباس يعباس
عكبك و الحسين -- صوبني هالبين
جنت ابزودك امشي وراسي عالي
عاين هسه خويه و شوف حالي
زينــبكم انه و شافوا خيالي
يالفركاك ما جان اعله بالي
خاليه الدار ياعباس ياعباس -- يبن الاحرار ياعباس ياعباس
عني رحت وين -- صوبني هالبين
بجتافي الشمر تعلم شسوه
سوطه اعلى المتن كام ايتلوه
اخذني اعلى الهزل للشام كوه
ريتك تنتفض بسم الاخوه
خويه وتشيل ياعباس ياعباس.....حملي لثكيل ياعباس ياعباس
وبكلبي سهمين -- صوبني هلبين
رقيه تنوح مني تريد ابوها
مثل الزهره عالخد اضربوها
يخويه امن البجي همه احرموها
جابوا راس ابوها وسكتوها
دمعي سجاب ياعباس ياعباس -- جرحي ماطاب ياعباس ياعباس
وكليبي نصين -- صوبني هلبين
بقصر ايزيد خويه دخلوني
كل اعداك كاموا يشتموني
ترضاها يخويه يهضموني
وانه زينب يروحي وضوه اعيوني
وجرت النار ياعباس ياعباس -- وكلبي محتار ياعباس ياعباس
شل روحي الونين صوبني هلبين
انا العباس خويه وسامحيني
على راسي العتب بس اعذريني
اجفوفي مكطعه ومصيوبه عيني
وبعتابچ يخيتي تألميني
حكي انخاك يعباس يعباس -- روحي وياك يعباس يعباس
يسبوني مرتين -- صوبني هالبين
عتابي وياك من ضيمي عتبته
المثلك ما يعوف بغربه اخته
مر حيل اليسر كوه اوجرعته
الشمر ريتك يبوفاضل سمعته
سبني ياحيف ياعباس ياعباس ماتمر طيف ياعباس ياعباس
صبرلي هلعين صوبني هلبين
بقلم عاشقة زينب عليها السلام
1434هــ
(( لا اجيز قراءتها بالاطوار الغنائيه اطلاقا ))
على طور قصيدة الحاج الملا باسم الكربلائي الله يحفظه
بالخيم نار يعباس يعباس
*******************
بسمه تعالى
يامه ناديت يعباس يعباس -- وحدي ضليت يعباس يعباس
عكبك و الحسين -- صوبني هالبين
جنت ابزودك امشي وراسي عالي
عاين هسه خويه و شوف حالي
زينــبكم انه و شافوا خيالي
يالفركاك ما جان اعله بالي
خاليه الدار ياعباس ياعباس -- يبن الاحرار ياعباس ياعباس
عني رحت وين -- صوبني هالبين
بجتافي الشمر تعلم شسوه
سوطه اعلى المتن كام ايتلوه
اخذني اعلى الهزل للشام كوه
ريتك تنتفض بسم الاخوه
خويه وتشيل ياعباس ياعباس.....حملي لثكيل ياعباس ياعباس
وبكلبي سهمين -- صوبني هلبين
رقيه تنوح مني تريد ابوها
مثل الزهره عالخد اضربوها
يخويه امن البجي همه احرموها
جابوا راس ابوها وسكتوها
دمعي سجاب ياعباس ياعباس -- جرحي ماطاب ياعباس ياعباس
وكليبي نصين -- صوبني هلبين
بقصر ايزيد خويه دخلوني
كل اعداك كاموا يشتموني
ترضاها يخويه يهضموني
وانه زينب يروحي وضوه اعيوني
وجرت النار ياعباس ياعباس -- وكلبي محتار ياعباس ياعباس
شل روحي الونين صوبني هلبين
انا العباس خويه وسامحيني
على راسي العتب بس اعذريني
اجفوفي مكطعه ومصيوبه عيني
وبعتابچ يخيتي تألميني
حكي انخاك يعباس يعباس -- روحي وياك يعباس يعباس
يسبوني مرتين -- صوبني هالبين
عتابي وياك من ضيمي عتبته
المثلك ما يعوف بغربه اخته
مر حيل اليسر كوه اوجرعته
الشمر ريتك يبوفاضل سمعته
سبني ياحيف ياعباس ياعباس ماتمر طيف ياعباس ياعباس
صبرلي هلعين صوبني هلبين
بقلم عاشقة زينب عليها السلام
1434هــ
(( لا اجيز قراءتها بالاطوار الغنائيه اطلاقا ))
حسين منجل العكيلي
تعليق