تويت
زينب تسيح دموعها وتصرخ يجبريل بجناحك ارفع جثته لا تسحكه الخيل
هاذا اللذي مخلي عله التربان خده هوه اللي يا جبريل جنت تهزله مهده
شيله قبل لا ينظره بهلحاله جده وتشوفه امه ووالده حماي الدخيل
انزله يا جبريل وعن القاع رفعه لو تقدر السهم الذي بفااده شلعه
لا جن بهيده لا تطلع وياه ضلعه كافي نزف دمه الي من جروحه يسيل
يلي عله جده نزلت بايات الكتاب انزل عله حسين بجفن لو قطعت ثياب
لا يبقه عاري ويتسره بس ذار التراب واليل يشارك بلستر من يجبل الليل
ما حاجه وصيك بخليصي وقرت العين حوم مداره وضلل عليه بجناحين
خوفي من الحر والشمس يتاذه الحسين ويذوب جسمه لو بقه من غير تضليل
وانجان ما تقدر لخوي حسين تنزل وما صح جفن بيدك ولا صح بيدك الضل
انزل نجمع العايله ونوخ البين ونركب اطفال وحرم فوق المهازل
وحدي اركب هلحرم يصعب عليه الا اذا اشبق تحتها اثنين ايديه
اخفض جناحك خلتدوس عليه رقيه سكنه وحميده وعاتكه باقي المدلاليل
ركبهم بعز لا يركبون بمهاله تدريها هلايتام من اخوي حسين امانه
من نمشي يا جبريل امشي انته ورانه يمكن طفل يوقع اذا من محمله يميل
حسين منجل العكيلي
تعليق