تويت
تسألك وتريد جواب............هناء يالواكف عند الباب
شلك وشنهو الجرة ...... يا جواب اتناطرة
..........................
تناشدك وتصد نظرها .... تلمح بعينك عتاب
وغربتك بين أثرها .... من كبل لفظ الجواب
شلك ومن ياعشيرة .... باردة طوعه الخطاب
للدرب مشبوحة عينك....وتتبع دروب السراب
حاير وتربي الأنظار....يا ترى شتحمل أسرار
والحديث تاثرة.... يا جواب اتناطرة
.................
نظرة عيونك رمتني .... وحيرت كلبي الحزين
بيك اثر ناس عرفتهم ....وسكنوا بروحي سنين
أنشدك وطري بجوابك ....لا تظل للهم رهين
عيوني تعاين صورهم....بشخصك وكلبي يلين
من علي تحمل اثأر .... حيدرة حماي الجار
بيك أعاين حيدرة .... ويا جواب اتناطرة
......................
ساعة السمعة جوابك .... نادتك يبني شتكول
مسلم ومن هاشم أصلك .... تعني حيدر والرسول
كاصد ارض الكوفة شلك.... وشتضن منهم تنول
انعرفت الكوفة بغدرها ....غدرت بفحل الفحول
يامسلم وعد عيناك ..... افدي العمر يبني وياك
ولا تظن اتعذرة.... يا جواب تناطرة
.......................
تنصلح هل امة كصدي .... والها لبيت النداء
بالوعد تشهد كتبهم.... لبن خير الأنبياء
اقبل وعجل تنادي .... حانت وبيك الرجاء
نكروا ونقضوا عهدهم .... واثروا درب الجفاء
تمادوا يطوعه عله الدين.... نكروا علي وابنة حسين
والدليل ألي جرة .... يا جواب تناطرة
..................
طلبت حسين بكتبها ....اقبل وني تستجير
ولبست ثاب الخيانة ....او وكفت بوجه السفير
وادم الكتبة عهدها .... خانت ضاع النصير
تبعت دروب الرذيلة .... غابت ومات الضمير
ماتت ضميرها الناس.... للغير ة ماطل مقياس
ارتدت اظحت كافرة.... ياجواب تناطرة
..................
بيا عذر غطت فعلها ....زمرة وبايعت يزيد
كفرت بنص الديانة .... ارتدت وصارت عبيد
ما أذل ووفي بعهودي .... وما يغيرني الوعيد
اقسم اومري عزمته ....امضي بدربي شهيد
حامل لواء التوحيد.... وبسيفي أذل جيش يزيد
سيفي بالحك شاهرة.... يا جواب تناطرة
..................
الحمد لله أبو حسن المياحي
حسين منجل العكيلي
تعليق