تويت
ريت هلالك لأهل ريته .....ولا وادي ألطف تعنيته
مستعرة بدلالي النار.....ياشهر الهم والاكدار
,,,,,,,,,,,,,,,,,,,,
هليت وهلت دمعاتي ....ياشهر الهم والإحزان
كل لحظة تمر تسعر جمرة...بكلبي الفكد الخوان
شذكر من أبصر أيامك .... غير الألم اظحت وشجان
والصوت الظل يرعه بروحي ...ياعمه الماي وعطشان
تعلم لوشفتك بعيوني ....يسعر كلبي وتدء متوني
ودمعاتي تهل ليل انهار....ياشهر الهم والكدار
.......
مصباحك هم ليلك لوعة ....شتذكر يهلال الشوم
حسين المسلوب وظل عاري ....لو صرخت طفله المحروم
ماسرت أيامك زينب .....ظل كلبي يلوع ومحروم
ياجرح ارعه وكثرة جروحي .....كل يوم أبصرهن كل يوم
ارعه جروحك واجري الدمعه ....أيامك دلالي تصدعه
بهلالك لوعة وتذكار..... ياشهر الهم والكدار
...................
الوادي ألطف تأخذني أيامك ....لمصابي الما حل وغاب
اتفكد بجروحي وهمي ....بعين ألطف مصاب مصاب
هنا عبد الله تصيبه ألنبله.... هنا جاسم والرملة عتاب
هذا الأكبر عيني تشوفه ...متعني وبالحومة نصاب
هاي خيامي وصوت الخدر ... وجم ظامي يلوع ويتحسر
الياصوب تصد الأنظار ..... ياشهر الهم والكدار
.........................
الياصوب تصد بيه عيوني ....اكصد وتنطر عباس
مفزوعة وتظهدني ضنوني ... شلون وما ترحم هل ناس
شعاكك عن زينب ناديته ....وينك ياراعي النوماس
بكطعت جفينك يالكافل ....تعلم خوية بخدري انداس
نتأمل تسكينه جفوفك .....لن ظامي ومذبوح نشوفك
بجفاك العز صرحه نهار...... ياشهر الهم والكدار
..............................
مسلوبة ومرعوبة أيتامي ....والكيد أصبح يبره وياي
بهلالك تضهدني كيودي ...وتدمع عيني الزجر أعداي
تصبح ظلمة الدنية بعيني .... وأبقى اتفكد ذيج وهاي
عباس اصرخ خوية انجدني ...يحسين انشد شنهي الرأي
هلالك لوهل شيراويني ....يرسم ياصورة صبي عيني
موت ودم وخيام ونار..... ياشهر الهم والكدار
..................
ليلك لوجن شيراويني...يحمل ياصورة بمسراه
ليل الحركوا بيه أخيامي...والعاشت روحي بذكراه
شتئمل لو شفت هلالك...يادمعه تهل الملكاه
لأهل هلالك ياريته...ولأعيني تصد وترعاه
شلي بأيامك وذكرها ...شتذكر من لوعتها ومرها
مالومه وكل فكري أحتار.....ياشهر الهم والكدار
.........
الحمدلله
ابو حسن المياحي
حسين منجل العكيلي
تعليق