حزنانه كلهه شيعتك ( للجواد ع )

[الشاعر الغريب]

نصــــــــــــاري

حزنانه كلهه شيعتك

*************

علم الاكتاب من صغرك ورثته

صبرك والحزن بالدم طبعته

مثل يحيى بزمان ويوسف انته

ومثل عيسى المسيح وكل حكمته

جنك علينه بدمعتك

*****************

من جودك جواد الناس لقبوك

عله علمك بني العباس حسدوك

جي جدك نبي ظلام عادوك

وبسم الحقد سيدي غدروك

جينه نذكر لوعتك

******************

ذبح وسموم الكم صار عاده

كرامه من الجليل الكم شهاده

اختبار الله اختبر بيهه عباده

اليموت اعله العقيده اكبرسعاده

بسموم طفو شمعتك

************

لجلك يالجواد اللطم والنوح

دمع ينزف عليك وكلب مجروح

حزينه ارواحنه ومليانه بجروح

بمصابك سيدي مهمومه هالروح

وياك لا ماودعتك

*******

تستاهل دمعنه اللي نهـــــله

جرح بينه لطمنه اللي يشله

لجلكم سيدي هالموت يحله

اجينه اليوم للمـــهدي نكله

يمته تلالي طلعتك

********

كل اللي جره تدري مهمنه

نفرح لو لجلكم ســال دمنه

بذكرك ينتهي كله المـــــنه

بضريحك سيدي ينزاح همنه

وسفه النواصب وكعتك

*******ر

شفنه اشكال وانواع المصايب

صار اللي يمرنه امن العجايب

ماهمتنه ابد كل النوايـــــــــب

انتم للمحـــــــب اغله الحبايب

طاهر شريف بسمعتك

*******

بضعنه يالجواد الحزن يحدي

بينه اجروح بس همــوم تدي

كل اجروحنه تصرخ يمهدي

احقق بيك كل اصروح مجدي

بلهفه نناطر رجعتك

*************

[ابوعلاء العكيلي]

جزيت خيرا
بارك الله فيك

[الشاعر الغريب]

الاخ العزيز ابو علاء العكيلي

شكرا على تواجدك واستمرارك

بارك الله بك وسدد خطاك

[من نسل عبيدك احسبني ياحسين]

السلام عليكم مأجوروموفق بحق آل محمد

[الشاعر الغريب]

الاخت الفاضله

من نسل عبيدك احسبني ياحسين

عظم الله لك الاجر وشكرا على المرور