تويت
عظم الله لكم الاجر احبتي بذكرى استشهاد
الامام الجواد عليه السلام
القصيدة التاليه من القصائد المنبريه وهي من وزن شيعتي
يسميها الرواديد ( قصيدة كعده ) واسالكم الدعاء
الليله دمعات الحزن نبجيهه ** من اجل ابن الرضه نجريهه
نختم اعهود الوفه ** بالدماء النازفه
من اجل ابن الرضه نجريهه
**********
اسمه من جده مُحمد ** واسمه للعتره اشحلاته
من علي ارث كرامه ** امن الحسن ماخذ صفاته
وماّخذ امن الطف دموعه ** وساكن حسين بحياته
السجاد صار المدرسه * واعلوم باقر درسّه * وجعفر كيانه اسسه
وموسه جده بذكرياته
والرضه اسرار وحكم يرويهه ** للجواد بنوره ويغذيهه
خلي يحزن هالكلب ** خلي دمعاتك تصب
من اجل ابن الرضه نجريهه
**********
وارث اعلوم العقيده ** ونوره يسطع من جبينه
عمره سبع اسنين مرن ** واشتهر علمه ويقينه
من الصغر عانه وتحمل ** عالظلم صبره اليعينه
بالعصمه ثبت هالشرع * والجود اصبحله طبع * رغم الظلم ثبت وضع
حافظ بهمه اعله دينه
يدري بأول قصته وتاليهه ** وروحه من اجل الشرع يهديهه
هالسنين اللي مضت ** والدماء اللي جرت
من اجل ابن الرضه نجريهه
*************
كل بني العباس ذلهه ** بجوده وبعلمه وفصاحه
خافو اطيح الكراسي ** وحاربوه بكل وقاحه
اتحمل الالام كلهه ** وبالصبر ضمد جراحه
من الصغريامه امتحن * والروح لوعات ومحن ** مسموم جبده وانطحن
وبالحقد كسرو جناحه
زين يعلم بالعده ويدريهه ** هالحقد ويه الحسد عاميهه
انته لو رايد اجر ** خلي دمعاتك تجر
من اجل ابن الرضه نجريهه
********
ظنو ابن الهادي جاهل ** لا علم عنده ودرايه
وجه القاضي سؤاله ** والجواب اصبح روايه
احتار ابن اكتم باموره ** وتاهت اعليه البدايه
ضنوه جاهل لو صبي * كلمن يضده ناصبي * هالعلم من علم النبي
يحمل اسرار الهدايه
مدرسه بفكره النبي بانيهه ** وكلهه بالحيره العده امخليهه
لجله كل شيعي نزف ** ويبجي بدموع الشرف
من اجل ابن الرضه نجريهه
***********
موغريبه احزانه تكثر ** ولا غريبه اشما يشوفه
وموغريبه الجور واكف ** بوجه ومجرد سيوفه
كبله جده حسين ضحه ** والكمر ضحه بجفوفه
الام شاف اويه القهر * ولاحتله ايام القدر ** هالعمره بالسم انغدر
صعبه لو نوصف ظروفه
روحه لجل المعتقد يهديهه ** وعالحقيقه الشيعنه ايدليهه
بحبه نتحده العده ** والدمه تصبح فده
من اجل ابن الرضه نجريهه
****************
سره من سر النبوه ** واطهر الناس بزمانه
بالالم عاش وشجونه ** اشكد ظلم ياشيعه عانه
بغربه خلص كل حياته ** والحزن يسري بكيانه
اصبح بجوده موعظه * كل عمره مظلوم انكظه * باليجي كله المضه
امصابه يجري وي دمانه
للبتول الطاهره انواسيهه ** وبمصاب ابن الرضه انعزيهه
صوتنه خل ينسمع ** الطم وهل الدمع
من اجل ابن الرضه نجريهه
***************
حسين منجل العكيلي
تعليق