إعـــــــلان

تقليص
لا يوجد إعلان حتى الآن.

جواد الأئمه عليهم السلام

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • جواد الأئمه عليهم السلام



    جــــواد الأئمه عليه السلام

    جواد وكل اهل بيته كرام اجواد * وجذور الجود من الهادي ممتده

    مثل يحيى بزمانه ويوسف الصديق * مثل عيسى المسيح الينطق بمهده

    عليه صورة نبي جن الوجه كرار * نور المجتبه يلالي بوسط خده

    بعيونه تشوف حسين والايثار * زين العابدين تشوفه بالسجده

    بكلامه تسمع الباقر نطق الايات * وجن جعفر علومه ومنطقه ورشده

    جواد اليمه ينضح بالكرم والطيب * مُحمد هالاسم مختاره اله جده

    مُحمد هالاسم مافارك تلاطهار * عله هذا الاسم هالدنيه مستنده

    نوره ماطفه بعده يشع بالنور * يروح امحمد امحمد يجي بعده


    واجواد

    ايمتنه الكرام اطهار واجواد

    واطيب من اصول الجود واجواد

    تاسعهم كريم الذات واجواد

    ورث علم وصبر حامي الحميه


    استلم امر الامامه وعمره سبع سنين * واسرار العقيده تحتمي بسده

    تصده للجهاله والبُدع والجور * وأجته اهل الظلاله محزمه ضده

    ظنو بيه طفل ماعنده علم ودين * وسر معنى الامامه رادت اتنفده

    وجهوله سؤال ورادو يحرجوه * كل ظنهم سؤال القاضي ميرده

    بحر اصبح جواب ابن الرضه ويموج * جوابه حن زلازل اصبح برده

    ظل محتار قاضيهم ابن أكتم * سؤاله اصبح قضيه ومعضله وشده

    اصفر لونه وتلعثم ماعرف شيكول * والسانه خرس جن بيه الف عكده

    مثل يوم التباهل صار ذاكه اليوم * بني العباس هيه اليوم تتحده

    تتحده الجواد بكل غرور وجور * عله علمه وطيب المنطق اتحسده


    ومر بيــــــــــــــــــــــه

    زمان العاشه ابو الهادي ومر بيه

    جن طعم الزهر طعمه ومر بيه

    اريد بشوك اكـــــصدله ومر بيه

    وون ونة حزن والـــــــــــــطم بيديه


    الامام بعلمه خيب كل بني العباس * مثل المصطفه للمشرك اتصده

    رغم عمره تحمل جور هالظلام * مأمون النذل صوب سهم حقده

    من سموه رادو ينتهي ذكره * ويطفه النور لو سمهم وصل جبده

    مامات الجواد ولا طفت الانوار * عدل للحين قوافل تعتني تكصده

    ما شفنه بشر ميت تطلبه الناس * لو واحد نخاه اقسم فلا يرده

    مصير اللي ظلم طول العمر ملعون * شما طال الزمان وطالت المده

    والعاده اهل بيت النبي خسران * ولو مره عليهم صوته يتعده

    والشيعه بمصابه اتجدد الاحزان * تعزي المهدي باللوعات وتنشده

    تكله ننتظر نورك يبو الثوار * يمته الهالصرح ياسيدي اتشيده

    بايمان وصبر نتنطر الموعود * يسل السيف برقاب العده ايحده



  • #2
    احسنت اخي الكريم
    جعلها الله تعالى في ميزان حسناتك
    حسين منجل العكيلي

    تعليق


    • #3
      الاخ العزيز ابو علاء العكيلي

      شكرا على تواجدك واستمرارك

      بارك الله بك وسدد خطاك

      تعليق


      • #4
        رووووووعه جميل جدا

        تعليق


        • #5
          الاخت الفاضله نور الحسن

          عظم الله لك الاجر

          مرورك الاروع

          تعليق


          • #6
            احســــــــــــــــ بارك الله فيك ـــــــــــــــــــــــــــــــــــنتم
            وجعلك من السباقين لكتابة الخير الذي يفيد المجتمع الاسلامي
            شاعر بمعنى الكلمة
            بوركت وبوركت اعمالك

            تعليق


            • #7
              الاخت الفاضله شيعه ونبقه شيعه

              شكرا على مرورك الرائع وكلماتك الجميله

              تعليق


              • #8
                سلمت أناملك الذهبية عالطرح الرائع
                الذي أنار صفحات منتدى الكفيل
                بكل ماهو جديد لكِ مني أرق وأجمل التحايا
                على هذا التألق والأبداع
                والذي هو حليفكِ دوما" أن شاء الله


                بسم الله الرحمن الرحيم
                السلام عليك يا ابا عبد الله

                تعليق


                • #9
                  اخي الغالي ( الغريب ) القريب عن النفس لحد الالفة شعرك جميل وانت مبدع واجمل مافيك صدق العاطفة وضبط الاوزان فرحت لمواضيع التقطيع وضبط الاوزان وكنت اتمنى ان تستمر بنا لمعرفة كنه كل بحر او كل طور .. لك مني الدعاء

                  تعليق


                  • #10
                    المشاركة الأصلية بواسطة احمد_احمد مشاهدة المشاركة
                    سلمت أناملك الذهبية عالطرح الرائع
                    الذي أنار صفحات منتدى الكفيل
                    بكل ماهو جديد لكِ مني أرق وأجمل التحايا
                    على هذا التألق والأبداع
                    والذي هو حليفكِ دوما" أن شاء الله


                    الاخ العزيز احمد - احمد

                    عظم الله لك الاجر وشكرا على مرور الرائع

                    وكلماتك العطره بارك الله بك وسدد خطاك

                    تعليق

                    يعمل...
                    X