نواعي لمصاب الامام الجواد ( ع )

[الشاعر سعيد الفتلاوي]

نواعي لمصاب الامام
محمد الجواد عليه السلام
.......................................
............................


الشيعه تنوح بهالمسيه

سمو امام الجعفريه

سبط الولي حامي الحميه

الليله العزه بالكاظميه

..................

ون يا گلب ون عالمصيبه

وانعه الحبيب ابن الحبيبه

واذكر لياليه العصيبه

سم الحقد اصبح نصيبه

..................


شيعة علي بْهاليوم تنعه بْكل مدينه

وْ تندب اسد بغداد مالومه وْ حزينه

لجلك فدايه نْروح تصرخ يا ولينه

يبن الشهيد حسين يومك مانسينه

...................


وينه الينوح اليوم وينه

يْعزي النبي وْ عترة ولينه

وْينعه الامام الغادرينه

گوم الغدر واهل الضغينه

...................


لجلك نصبنه اليوم مجلس عزانه

يبن النبي المختار ياعالم زمانه

وابن الحبيب حسين والينه وْ حمانه

ننعاك امام الدين يانجم بْسمانه

....................


نْعزي ولينه اليوم والزهره الزچيه

ننعه وْ ننوح عْليك يبن الرضيه

شْما عملو الاشرار واتباع الرديه

دايم عزانه عْليك يا والي الرعيه

.....................

مجلس عزاء وْ نَوح للهادي نبينه

نواسي بعزانه اليوم للزهره الحزينه

وْيعلن حداد اليوم كل بيت وْ مدينه

وننعه بْالم وبْاه ونْعزي ولينه

......................


يالمنتظر هاليوم يم جدّك نعزيك

مْصاب الجواد اليوم يالوالي نواسيك

اظهر يراعي الجود انصارك تناديك

يبن الوصي الكرار عاديَنه اليعاديك


.....................................
..........................

خادم اهل البيت ( ع )
الشاعر
سعيد الفتلاوي الطويرجاوي

[محبه العباس]

سلمت هذه الانامل المباركه اخي

[الشاعر سعيد الفتلاوي]

الله يسلمك اختاه وفقك الله

[من نسل عبيدك احسبني ياحسين]

السلام عليكم مأجوروموفق بحق آل محمد

[الشاعر سعيد الفتلاوي]

عليكم السلام ... شكرا لك اختاه وفقك الله