حواريه بين(الجواد الضامي وساقي العطاشى)

[احمد الحجي]

حواريه بين(الجواد الضامي وساقي العطاشى)
..
عظم الله اجوركم بهذه المصيبه الراتبه
واليكم هذه القصيده بالمناسبه راجياً دعواتكم
....
عطشان الجواد وچبده مسموم
يا ساقي العطاشه إحضر اليوم
صاح بآخر انفاس .... ادركني يعباس
..........
الحضرتك ياغيرة الله الهاشميه
اتوجِهَت شكوة گلب هاي المسيه
هذي صرخه من رحاب الكاظميه
ضامي وعيونه اعله درب الغاضريه

من جمر العطش دلاله هايج
بحيره وناده ياباب الحوائج
صوت ايظهره الاحساس .... ادركني يعباس
..........
بروحي صيوان العطش يسعر لهيبه
واعله تل همي الگلب يندب حبيبه
عيني تشبه زينب الظلت غريبه
بغربه واتدّور گمر طوّل مغيبه

انت الما تخيّب گلبي حاشه
إكشف همي يا ساقي العطاشه
جيب الرايه والطاس .... ادركني يعباس
..........
ضامي چبدي وللأجل بانت علامه
يا بو فاضل وانت سلطان الشهامه
عمي ، واتنخيتك بنخوة نشامه
واليطيح بشده توگفله عمامه

ها يبن العرب يبن الاجاويد
لغيرك صعبه تصبح مدت الايد
يالبيك ارفع الراس .... ادركني يعباس
..........

طيب انت ودمعي دگ ابواب لطفك
وانت سُفرة ألله فوگ الگاع چفك
يالغيور اتحب أسم زينب اعرفك
لا تردني بعمتّي زينب احلفك

انظر حالي ضامي ودمعي هامل
إحضرني يعمي يا بو فاضل

صحت وتسمع الناس .... ادركني يعباس
..........

حالي مثل حسين فوگ الغبره مرمي
وراح أگلك من حضر هالليله يمي
الزهره حضرت تبچي لمصابي يعمي
إملي جودك واعتنيني لخاطر أمي

من تنظرني يا حامي الضعينه
خاف اتگلي عمك يبني وينه
حشمتك ينبراس .... ادركني يعباس
..........
چن اسمعك جاوبتني وشب ونيني
يالجواد بعتبك اتهيّج حنيني
اشلون اجي من كربله ومصيوبه عيني
اشلون اشيل الجود وانه بلا يميني

لسه بسمعي صرخات العقيله
من چتفوها عالناگه الهزيله
نادت بين الارجاس .... ادركني يعباس
..........
الخادم
كرار حسين الكربلائي
( ابوكميل)
وأسألكم الدعاء

[من نسل عبيدك احسبني ياحسين]

السلام عليكم مأجوروموفق بحق آل محمد

[احمد الحجي]

اشكر مرورك الكريم وفقك الله

[ابوعلاء العكيلي]

طيب الله انفاسك وعظم لك الاجر
احسنت جزيت خيرا

[خليل علي الزبيدي]

من جمر العطش دلاله هايج
بحيره وناده ياباب الحوائج
صوت ايظهره الاحساس .... ادركني يعباس

عظم الله أجوركم وكتبكم من المعزِّين بمصاب الإمام الجواد عليه السلام

[علي حسين الخباز]

اخي الغالي احمد الحجي سلاما اين انت يارجل دائما نفتقدك سلامي

[احمد الحجي]

الاخ ابو علاء اشكر مرورك الكريم
الاخ ابو امنه اشكر مرورك واضافتك المبارك في ميزان حسناتك
المشرف الفاضل علي الخباز اشكر مرورك وسؤالك عني فانا مشغول هذه الفترة واعتذر الى الكفيل واليكم من التقصير