اقسم وحق كل طالبي

[الشاعر الغريب]

احلف وحق كل طالبي ** ماترجع ايام السبي

انصاري هاذي وشيعتي ** بالدمه علكو شمعتي

***********

عبره للبشر هاليوم ** اختبار بمرقدي ليصير

اختبار وعبره بين اثنين ** قضيه امفسره تفسير

بين اللي عشك هالدين ** والي منهجه التكفير

ناس مسلحه ايمان ** ناس مسلحه تفجير

صار اختبار بمرقدي ** بين الموالي ومعتدي

تنهضم تنظر وكعتي ** بالدمه علكو شمعتي

**********

بارض الشام من كل صوب ** طبكت خيل ابو سفيان

متستره بســــــــــتار الدين ** اجانب وارجس العربان

ظنهم انســـــــبي من اجديد ** تريد اتهــــــــدم البنيان

قســـــــمت شيعتي بحسين ** لجلي تصبــــح القربان

راياتي بالحضره ترف ** والشيعه تنزفلي نزف

تخفف عليه روعتي ** بالدمه علكو شمعتي

************

لو انخه البطل عباس ** كفيلي وجان الي قدوه

يجيب الاكبر وجسام ** يجوني بلحظة النخوه

ينادوني بدموع العين ** يعمه انروح الج فدوه

تهب اوياهم الانصار ** تزيح الفاسق بقوه

ادريهه كلهه تنتظر ** تنتظر من عندي الامر

تنتظر بالهم رجعتي ** بالدمه علكو شمعتي

***********

دوم اذكر زماني الراح ** واذكر كربله وحسين

كلمه كتله للعباس ** يخويه وماي هاذي العين

اسكي بجودك الرضعان ** شوف شلون متلوعين

اخذ راية علي الكرار ** ترك يم النهر جفــــــين

عطشان جان العلكمي ** روته جفوف الهاشمي

هيبتي هو وسمعتي ** بالدمه علكو شمعتي

**********

ضدي محزمين حزام ** لا عدهم شرف لا عيب

صبري ولا صبر ايوب ** كلبي اتخاوه ويه الشيب

كلشي مدونه تدويـــــن ** ربنه امسـجله بالغيب

حتما تنتهي الالام ** حقـــــيقه ولا ابد مو ريب

مهدينه وباخر زمن ** يطفيهه نيران الفتن

بيده ينشف دمعتي ** بالدمه علكو شمعتي

**********

[من نسل عبيدك احسبني ياحسين]

السلام عليكم موفق بحق آل محمدشاعرناااا

[ابوعلاء العكيلي]

صح لسانك وطيب الله انفاسك وجعلت في ميزان حسناتك ايها المبدع الرائع
لك تحياتي وخالص دعائي

[الشاعر الغريب]

اعزائي

من نسل عبيد احسبني ياحسين

ابو علاء العكيلي

اشكركم على تواجدكم الكريم ومروركم الرائع

بارك الله بكم