تويت
الباقر بالعلم مو صوف ** من جده النبي علمه
أخذ كل عزم أبو السجاد ** منه ماخذ الهمه
**************
بقر كل العلوم بزود ** أسس للعقيده أفكار
شرع للأصول فروع ** من نهجه تشع أنوار
أصبح للعلم عنوان ** من حيدر أخذ الاسرار
أخذ من والده العلوم ** من جده الحُسين أيثار
أسس للفقه دستور ** اساسه صارت العصمه
**************
أميه الحاربت الحسين ** ومن بعده علي السجاد
ردت من جديد اردود ** عالباقر تلم أحقاد
ورثوهه امن ابو سفيان ** وهنده اّكلة الاكباد
ضدو عترة الطيبين ** جي منهم أجت الامجاد
بشجاعه الباقر وغيره ** دون حكمته وحلمه
**************
ابو جعفر جرع احزان ** خلص عمره بدمع وباّه
مصيبة كربله وحسين ** ومصيبته والده وياه
اشكد شافو ظلام وضيم ** مايكدر أبد ينساه
كل طعنة رمح واسهام ** ثابت بالجسد ذكراه
عبد الله الرضيع ينوح ** من نحره نزف دمه
**************
أبو جعفر تعرفه الناس ** يحمل منهجك يحسين
جمع الامه والويلات ** مثلكم صـــــوبه هالبين
صبر صبر اليــــــهد أجبال ** عليكم تهمل العينين
أميه التطلبه بثارات ** عليه اجمعت طاغين
عدهم هالغدر مشهور ** وابن عبد الملك سمه
************
تدري بشيعة الكرار ** اشكد شافت ظلم وي جور
بحبكم قدمت الارواح ** عدنه أجم نحر منحور
نظل نمشي بنهج ابرار ** لاجله كل عمر منذور
منهجكم يظل عالي **** باذن الله يظل منصور
بسيفه المهدي الموعود ** امركم هو ليـختمه
**************
عهد يالباقر احنه اوياك ** الكم هالعمر قربان
نظل نذكر مصابك دوم ** نذكره بونه وباحزان
تدري بالجره والصار** علينه هجمت العدوان
كل ظنهم نعوف حسين ** ونترك منهج الوجدان
بخدمتكم نظل للدوم ** شرفنه صارت الخدمه
حسين منجل العكيلي
تعليق