خامس امامه ** صاحب كرامه
متعلم الايثار ** من جده حامي الجار
**********
ياخامــس أنوار الهُده ** علمك ابد ماله مده
جم فكرعلمك فنده ** لوعات شفت من العده
سرك قضيه ** يبن الزجيه
الباقر يشع انوار ** من جده حامي الجار
**************
بعينك شفت طف كربله ** والشمر شفته وحرمله
وابطال كلهه مجندله ** متيسّره اطـــــــهر عايله
بالغاضريه ** شفت الرزيه
طاحت يوسفه اقمار ** من جده حامي الجار
**************
بالصغر أنت تعذبت ** يوم الطفوف اتيسرت
اشكد جور مولاي أحملت ** ماساومت لا مخضعت
تلميذ الحسين ** عمرك فلا تلين
وارث علم الاطهار ** من جده حامي الجار
**************
ماتنسه يوم مصيبتك ** والناس ذيجه العذبتك
كثره حقوق الغصبتك ** بسم المنيه صوبتك
ناس اتعده ** كطعوله جبده
وارث زود وافكار ** من جده حامي الجار
**************
خلصت عمرك بالقهر ** قانع وراضي بالقــدر
عادوك ارجاس البشر ** بالحشر موعدهم سقر
جدك خصمهم ** يعرف ظلمهم
يعرفهه هالاسرار ** من جده حامي الجار
**************
انعزي النبي وي فاطمه ** ونواسي حماي الحمه
بحبهم وهبناهه الدمه ** بيه الصدور اموســـمه
نطلب شفاعه ** من تجي الساعه
الباقردره بالصار ** من جده حامي الجار
**************
صارت دروسك موعظه ** ياعالم بكل القضه
هالليله كل الرافضه ** تقدم عهد للمرتضه
نبقه بنهجنه ** نوهب مهجنه
ناخذ درس الاحرار ** من جده حامي الجار
*********
حسين منجل العكيلي
تعليق