منبريه ( كعده ) للباقر عليه السلام

[الشاعر الغريب]

كال الهادي اولنه محمد ** يعني الكل محمد

وسطنه اسمه محمد ** اخرنه مـــــــــــحمد

يعني الكل محمد

********************

سُنة الهادي الشريفه ** تشرح انواع المعالم

بيهه حددهه الخلافه ** ودون اسماء المكارم

عشره واثنين الأيمه ** الاثنعش كلهم هواشم

ايات من ظهر الظهر* وخامس انوار اللي ظهر* باقر وبالعلم اشتهر

كثره شاف من المظالم

منهجم نفس منهج نبيهم ** صفات المصطفه موجوده بيهم

يعني الكل محمد

انوار وتشع نور ** صارو للشرع سور ** يعني الكل محمد

****************

نوره من جده محمد ** خامس انور الامامه

باقر العـــــــــــلم ايتلقب ** للعلم اصبح علامه

كل شموخ حسين عنده ** من الكفل ماخذ شهامه

جده اللي بين شهرته * واعلومه كلهه وقدرته * للدين تسطع نصرته

جده مصدر للكرامه

الباقر بالعلم والحكمه مشهور ** دمه وعترته للدين منذور

يعني الكل محمد

يعلمون المنايه ** واسرار الخفايه

يعني الكل محمد

********************

كل صفه وخصله حميده ** بشخصه صارن من صفاته

بعلمه وادابه وعصمته ** يشبهه الموسى وعصــــاته

جرب الاهـــــــــــات كلهه ** والحـــــــــــزن كل ذكرياته

عاش ابو جعفر هالزمن * خلصه اهات ومحن * من صغره جم مره امتحن

كربله تســــــري بحياته

ابو جعفر عظيم وعالي الشان ** هو وأهل بيته سر الاكوان

يعني الكل محمد

حتى الطفل ساجد ** كلهم درب واحد ** يعني الكل محمد

****************

بصغره عانه ولاكه لوعه ** بعينه شاف اكبر جريمه

جده عالتــــــربان شافه ** مخضب الشيبه الكريــــمه

ثابت بكلبه المثــــلث ** وناده ميــــــــــــمون الظليمه

شاف الطفوف ماجره * من سال جم دم وجره * وعمته العقيله اميسره

واليسر اكبر هضيمه

عليهم بالحقد هجمت الظلام ** جي جدهم محمد ضاكو الام

يعني الكل محمد

للجنه السفينه ** قائدهم نبينه ** يعني الكل محمد

****************

عن عقيدة جده دافع ** بعصمته وعلمه وكفاحه

كل طواغيت ال اميه ** عجزت اتوكف نجاحه

ومذهب الهادي واصوله ** بصايته اعلن فلاحه

مظلوم خلص مدته * يبجي المصيبة جدته * تاليهه سمو جبدته

بكل حقد وبكل وقاحه

أيمتنه الكرام احرار واطهار ** علمهم من نبينه وحامي الجار

يعني الكل محمد

عانو لوعه واهموم ** ارعطعش معصوم

يعني الكل محمد

***************

انت ياشيعي الموالي ** تعرف اسرار بنظرتك

خلهه من كلبك يشيعي ** تطلــــــع الاّه بعبرتك

ابجي عالباقر واندبه ** فاطمـــه تسمع حسرتك

ابجيله وي حامي الحمه * بالونه واسي فاطمه * والعن الزمره الظالمه

للعده وصل فكرتك

ابو الزهره زرع بيهم كرامه ** هالسر الاثتعش يخمل علامه

يعني الكل محمد

كبل الخلك والكون ** الاربعطش يضون

يعني الكل محمد

****************

[من نسل عبيدك احسبني ياحسين]

السلام عليكم مأجوروموفق بحق آل محمد

[ابوعلاء العكيلي]

جعلت في ميزان حسناتك
بارك الله فيك

[الشاعر الغريب]

احبتي واعزائي

من نسيل عبيدك احسبني ياحسين

ابو علاء العـــــــــــــــــــكيلي

شكرا على مرورك الكريم بارك الله بكم

[أنصار المذبوح]

الاخ الفاضل
جزاك الله خير الجزاء على طرحك الموفق
راجين من الله تعالى أن يجعله في ميزان حسناتك

[الشاعر الغريب]

الاخت الفاضله شيعه ونبقه شيعه

عظم الله لك الاجر وشكرا على مرورك الكريم

[منتظرة المنتظر]

السلام على سيدي ومولاي باقر العلم
جزاك الله خيرا اخي الموالي
وفق الله لكل خير

[الشاعر الغريب]

الاخت منتظره المنتظر

عظم الله لك الاجر واهلا بك يننا

[زينب المظلومة]

الاخ المحترم الشاعر الغريب
طيب الله انفسك وحشرك من محمد واله الاطهار

[سهاد]

بسم الله الرحمن الرحيم

اللَهٌمَ صَل ِعَلى مُحَمْدٍ وَآل ِ مُحَمْدٍ الْطَيّبْينَ الْطَاهِرّيْنَ

السلام عليكم ورحمة الله وبركاته


ماأجملها من كلمات تفوق الابداع
مابين حروفك ونبض قلمك
دمت بهذه الروح التي تنبض بعشق
محمد وال محمد صلوات الله وسلامه عليهم اجمعين