عيدية .... لكل الاعضاء

[غسق التميمي]

هـنياله يلتـﮔـي بالــــعيد ويـــاك

تعال وشوفتك احسبـــــها عيدية

حضرنه الملبس والشمع والياس

وصـــبغنه أيامنه بأحلام وردية

ما ناسين شخصك من رحت لليوم

أبطاريك اسولف وي دمعي ليلية

انت هلال عيدي مدري انت العيد

يا أول شــبابي الضـــاع تالية

بــــــداياتي تعب ودموع واهات

اليفـﮔـد حبيب شتظن تـــــالية ؟

يا حاصل قسمتي رهمت وياي

والنـــــاتج ألم مليون بـــــــالمية

يومية أفز مســــــلوب الاحلام

يا دمعي الرسم بخدودي جارية

كل هذا وما بين علــية العوز

كاشخ بالصبر بس ونتي مخفية

ماردنه عيـــدية بس تمر يفلان

نصرف ارواحنا وننطيك عيدية

نــــبيع ارواحنه وننطيك عيدية

بقلم "غسق التميمي"

وعيدكــــــم مُبــــــارك الجميع

[من نسل عبيدك احسبني ياحسين]

الله روعة ياأستاذغسق التميمي المبدع

[غسق التميمي]

ممنونكم ايتها المبدعه المثابره اختنا من نسل عبيدك وعيدكم مبارك

[أنصار المذبوح]

[غسق التميمي]

ينعاد عليكم زانتو بصحه وسلامه وتحقيق الاماني ونيل الرضا ان شاء الله للغالية انصار المذبوح .. شيعه ونبقى شيعه سابقا

[خليل علي الزبيدي]

يهل عيدك مبارك يا غسق كل يوم يبو اشعار الرفض يل كلها ثوريه
يخوية الوكت ما يعشك بعد ريحان وكتنه معارك ويحــــــــــتاج توثيه
عيديتك قذيفة وهاون ورشاش وكواتم من جماعـــــــــــــــتنا العروبيه
من الجامعة لاطفالنا يدزون ملبس بالقذايف خويه يومــــــــــــــــــــيه
وتفز من نومتك خي عون كلمن نام تحوط ديارنا اذناب الوهــــــــابيه
حتى الطفل باجر يشتري بالعـــــــــــــيد رشاشه ومسدس يرش ناريه
لاتحلم يخويه والف صح النوم العراقي مســــــــلَّب وباعو جناســـيه
بس عدنه حلم واحد ويَ المهيوب برجال تلطـــعش تزهي وثلث ميه
صدك ذاك الوكت عيد وتلبي الناس داعي الخالق وتطـــــــلع المهديه
ويطر ضي الفجر والشيعه كلها تصحيح طلع بحّارنا وبانت صواريه
وتحجي اطفالنا جانت امريكا بيوم وتحجي زغارنا جانت سعــــوديه


تحية للمشرق بجميل العبارة أخي العزيز غسق التميمي
وكل عام وأنتم وجميع المؤمنين بكل خير وعافية

[شهدعاشقة الحسين]

[ابوعلاء العكيلي]

طيب الله انفاسك وكل عام وانت بالف الف خير

[غسق التميمي]

أستاذ ابو أمنه يامبدع والله الا ان برواز قصيدتي هو هذه الكمات الكبيرات كل عام وانت الى الله والى قلبي اقرب

[غسق التميمي]

الاخت شهد كل عام وانتي بالف خير وصحه وسلامه