دارميات للعيد

[الشاعر سعيد الفتلاوي]

لمناسبة عيد الاضحى المبارك
اقدم لكم هذه الابيات احبتي
واتمنى ان تنال رضاكم

خادمكم ....
............................................
............................................


بْحضرت امامي حْسين افرح وعايد
وْيم گبره هذا اليوم ادعي وْناشد

بجاهك الهي الكون واغله المراقد
تمّم علينه العيد باجمل مشاهد

مْن المشرعه لحسين لبينه لله
وْنسعه الگبر مولاي بالأنه والآه

صادق امامِ الخير بشرّنه من گال
بالأضحه زورو حْسين من خير الاعمال


ننسه الزعل والغيض ساعة فرحنه
شوف الگلب مفتوح للي جرحنه

احشرنه يالرحمان وي خير الاقوام
بْجاه السعه بْهاليوم يم نور الاسلام

نطلب عيادي نْريد منّك يمولاي
كلمن يزور حْسين يشفعله وياي

فرحانه هذا اليوم محتفله كلها هالناس
والفرحه يم حْسين ماينوصف الاحْساس

عيد وْ فرح يا ناس ريته الفرح للدوم
ندعو الاله نْريد مايبقه كل مهموم

وينك امامي الخير والينه يالموعود
بْكعبتنه ندعي اليوم اظهر يراعي الزود

فرج علينه انريد يظهر ولينه
وتحكم على الاوطان دولة نبينه

تصير الارض افراح كلها سعاده
والمهدي بيها يكون راعي القياده

نهني امام الكون محبوب الگلوب
ندعي الاله يثور وينور الدروب

ونعايد الاحباب كلها وْ گرايب
ننسه الالم والآه فعل المصايب



....................................
....................................

خادم اهل البيت ( ع )
الشاعر
سعيد الفتلاوي الطويرجاوي

[ابوعلاء العكيلي]

طيب الله انفاسك
وكل عام وانت بالف الف خير

[الشاعر سعيد الفتلاوي]

وانت بالف الف الف خير اخي العزيز
ابو علاء العكيلي

[من نسل عبيدك احسبني ياحسين]

كل سنة وأنت تحظى بأعظم خدمة وهي خدمة المولى العطشان ع وأخيه بطل العلقمي

[الشاعر سعيد الفتلاوي]

شكرا لك اختاه
اسال الله القبول

[خليل علي الزبيدي]

عيد المبارك دوم عل الجعفريه ويبسط لوى المهيوب فوك الوطيه
الأخ العزيز سعيد الفتلاوي كل عام وانتم بالف خير

[الشاعر سعيد الفتلاوي]

وانت بالف خير الغالي ابو امنه