قصيدة ليوم العاشر من محرم الحرام
يا لـــعين يا لــعين -- گوم عن صدر الحسين
يا لـــعين يا لــعين
----------------------------
ياشمر گوم انته عن صدر الولي
يا هو يبقه عگب ابو اليمه الي
ريت ياملعون يحضرني علي
الك يگطعها الادين -- يالعين يالعين
يا لـــعين يا لــعين -- گوم عن صدر الحسين
*****
هذا ابو السجاد ابن عقد الوله
الله خصه وگال بي نتوسله
ادوس صدره وتسبي ليش العايله
گلبي مابطل ونين -- يالعين يالعين
يا لـــعين يا لــعين -- گوم عن صدر الحسين
*********
گوم تصرخ زينب بوجه الشمر
يا عدو الله لتحــز النحــر
ولا تزيد الون عليه والقهر
خلص عمري بالانين -- يالعين يالعين
يا لـــعين يا لــعين -- گوم عن صدر الحسين
**********
آه لو عباس حاضرنه ويشوف
جان هز الكون ويرد الجفوف
وحز رگبتك جان وبحد السيوف
هذا ابن طه الامين -- يالعين يالعين
****
اه لو هاليوم تحضر فاطمة
جان عالخدين ظلت لاطمه
رفعت الجفين تشكي الظلمه
رد يكيد الحاقدين -- گوم عن صدر الحسين
الف لعنه يا يزيد و يا شمر
شلون تسبيني وتدخلني القصر
شلون ويشوفوني كل اهل الكفر
ويلي من الشامتين -- گوم عن صدر الحسين
يا لـــعين يا لــعين -- گوم عن صدر الحسين
بقلم عاشقة زينب ع
حسين منجل العكيلي
تعليق