تويت
قصيدة نْبايع امام الكون
...............................
...............................
حيدر يكرار - حيدر يكرار
نْبايع امام الكون حيدر ولينه
عيد الغدير اليوم اشرق علينه
حيدر يكرار - حيدر يكرار
.............
ربنه العزيز اختار حيدر خليفه – رغم الظلم واشرار اهل السقيفه
طه النبي المختار حيدر وريفه – وحي الاله اليوم بَلّغ نبينه
....................
مْن الباري للكرار هاي الكرامه - حامي الرساله يْكون فخرالامامه
هوّه الامير يْصير راعي الزعامه – يتوله امر الدين والي وْ امينه
........................
يشهد اله الكون تشهد سمائه – كل شيعي هذا العيد اطلق ندائه
وبدمّه للمعصوم وقّع ولائه – وْيهتف يداحي الباب بيك احتمينه
........................
نتبارك بهالعيد عيد الولايه – ونبايع الكرار نور الهدايه
والْاجْله هاي ارواح كلها فدايه - بارض النجف افراح وارض المدينه
............................
ليلة فرح واعياد هاي المسيّه – نْبايع لبو الحسنين حامي الحميه
وْلبينه للمنصور خير البريه – بيوم المنيّه نْريد يحضر يجينه
........................
ماهمنه كل احقاد اهل الظلاله – للجنّه حب مولاي هوّه الدلاله
واعله الصراط اهناك تسري العداله - للباري والمعبود قربه ارتجينه
........................
حبه انفرض عالناس بيده السياده - ذخر وْ فخر مولاي راعي القياده
حب الوصي يا ناس نور وْعباده – عالفطره بايعناه باسمه اهتدينه
.....................................
.....................................
خادم امير المؤمنين ( ع )
الشاعر
سعيد الفتلاوي الطويرجاوي
حسين منجل العكيلي
تعليق